तीन नेतालाई कांग्रेस केन्द्रीय सदस्यमा मनोनयन
काठमाडौँ — नेपाली कांग्रेसले नेताहरु दिलबहादुर घर्ती, शिवप्रसाद हुमगाई र श्रीमती शीला शर्मा खड्कालाई केन्द्रीय सदस्यमा मनोनयन गरेको छ ।
कांग्रेसले बिहीबार जारी गरेको विज्ञप्ति अनुसार सभापति शेरबहादुर देउवाले, नेपाली कांग्रेसको विधान २०१७ (संशोधित र परिमार्जित) को धारा (२१) (ठ) बमोजिम नेताहरुलाई मनोनयन गरेको हो ।
त्यसैगरी दमननाथ ढुंगाना, तीर्थराम डंगोल र हिरादत्त भट्टलाई नेपाली कांग्रेसको महाधिवेशन प्रतिनिधि र महासमिति सदस्य पदमा मनोनयन गरिएको छ ।
प्रतिक्रिया