तीन नेतालाई कांग्रेस केन्द्रीय सदस्यमा मनोनयन 

कान्तिपुर संवाददाता

काठमाडौँ — नेपाली कांग्रेसले नेताहरु दिलबहादुर घर्ती, शिवप्रसाद हुमगाई र श्रीमती शीला शर्मा खड्कालाई केन्द्रीय सदस्यमा मनोनयन गरेको छ ।

कांग्रेसले बिहीबार जारी गरेको विज्ञप्ति अनुसार सभापति शेरबहादुर देउवाले, नेपाली कांग्रेसको विधान २०१७ (संशोधित र परिमार्जित) को धारा (२१) (ठ) बमोजिम नेताहरुलाई मनोनयन गरेको हो।

Yamaha

त्यसैगरी दमननाथ ढुंगाना, तीर्थराम डंगोल र हिरादत्त भट्टलाई नेपाली कांग्रेसको महाधिवेशन प्रतिनिधि र महासमिति सदस्य पदमा मनोनयन गरिएको छ।

Esewa Pasal

प्रकाशित : जेष्ठ २४, २०७५ १४:५४
ADVERTISEMENT
प्रतिक्रिया
पठाउनुहोस्
ADVERTISEMENT

एकचालीस राहदानीसहित पक्राउ

कान्तिपुर संवाददाता

काठमाडौँ — महानगरीय प्रहरी प्रभाग नयाँ बसपार्कले विदेश पठाउने नाममा अवैध रुपमा राहदानी संकलन गरेको भन्दै एकजनालाई पक्राउ गरेको छ ।

प्रभागको टोलीले कामनपा–२६ मित्रनगरमा रहेको होटल स्वर्गद्वारीबाट ४१ राहदानीसहित होटल सञ्चालक प्रेमबहादुर विकलाई बुधबार राति पक्राउ गरी बिहीबार सार्वजनिक गरेको हो ।

प्रभागका प्रमुख मोहनविक्रम केसीले म्यानपावर व्यवसायीसँग मिलेर लाखौँ कमाउने गरी विदेश जानका लागि होटलमा आएका व्यक्तिसँग राहदानी संकलन गरेको अनुसन्धानमा खुल्न आएको जानकारी दिए ।

प्रभागले गोङ्गबु नयाँ बसपार्क क्षेत्रका अरु होटल तथा रेष्टुरेन्टमा पनि तत्काल अनुसन्धान गरिने बताएको छ । विकलाई थप अनुसन्धानका लागि राहदानीसहित वैदेशिक रोजगार विभाग पठाएको केसीले बताए ।

प्रकाशित : जेष्ठ २४, २०७५ १४:४८
पूरा पढ्नुहोस्
प्रतिक्रिया
पठाउनुहोस्
ADVERTISEMENT