गेरुवा गाउँपालिकाका कार्यकारी अधिकृत पक्राउ
गुलरिया — बैङ्गिक कसुर गरेको आरोपमा गेरुवा गाउँपालिकाका कार्यकारी अधिकृत भिम केसी विहीवार पक्राउ परेका छन् । उनलाई ईलाका प्रहरी कार्यालय, पाताभारका प्रहरीले पक्राउ गरेको हो ।
प्रहरी प्रवक्ता डिएसपी युवराज खड्काले काठमाडौंस्थित बैंकमा कसुर गरेको आरोपमा उनलाई पक्राउ गरिएको बताए । प्रहरी प्रधान कार्यालयबाट आएको पत्रको आधारमा केसीलाई पक्राउ गरि वेलुकी ५ बजे त्यसतर्फ पठाइएको उनले जनाए ।
बैंकको नाम र कसुर गरेको बारे विस्तृत जानकारी जिल्लास्थित प्रहरीलाई आएको छैन । पत्रकै आधारमा उनलाई पक्राउ गरि काठमाडौं पठाउन लागिएको हो । पक्राउ परेका अधिकृत केसीले आफुलाई साथीले धोका दिई फसाएको बताएका छन् ।
प्रतिक्रिया