कार्यक्रम बन्द गराइनु प्रेस स्वतन्त्रतामा ठाडो हस्तक्षेप : महासंघ

प्रश्न सोधेकै आधारमा कार्यक्रम बन्द गराइनु प्रेस तथा अभिव्यक्ति स्वतन्त्रतामाथिको ठाडो हस्तक्षेप भएको महासंघको ठहर छ । महासंघले निकालेको विज्ञप्तिमा उल्लेख छ, 'प्रश्न सोधैकै आधारमा निरन्तर रूपमा प्रसारणमा रहेको कार्यक्रम बन्द गराइनु प्रेस तथा अभिव्यक्ति स्वतन्त्रतामाथिको ठाडो हस्तक्षेप र लोकतन्त्रको उपहासका साथै प्रेसको विश्वव्यापी मान्यताविपरीतको कार्य रहेको महासंघको ठहर छ ।'

लोकतन्त्रमा प्रश्न सोध्ने र आफ्नो कुरा राख्न पाउने अधिकार संविधानले सुनिश्चित गरेको उल्लेख गर्दै महासंघले सूचना प्रविधि मन्त्रीबाटै प्रेसलाई हतोत्साहित बनाउने कार्य भएको जनाएको छ । यस घटनाबाट सरकार प्रेस स्वतन्त्रताप्रति गम्भीर र प्रतिबद्ध नरहेको समेत पुष्टि भएको जनाउँदै महासंघले तत्काल कार्यक्रम सुचारु गराउन सम्बन्धित निकायको गम्भीर ध्यानाकर्षण गराएको छ ।

विज्ञप्तिसहित