सुरुङमा पुरिएका ४ को ३९ घण्टा पछि जीवितै उद्धार

दीपेन्द्र शाक्य

संखुवासभा — अरुण तेस्रोको सुरुङ खन्ने क्रममा पुरिएका ४ जनाको आइतबार जीवितै उद्धार गरिएको छ ।मकालु गाउँपालिकाको फ्याक्सिन्दामा पुरिएका उनीहरुको ३९ घण्टा पछि जीवितै उद्धार गरिएको हो ।

अरुण तेस्रो आयोजनाको ड्यामसाइड निर्माणस्थल नुमको फ्याक्सिन्दा । तस्बिर : दीपेन्द्र

सुरुङको प्रवेशद्वारामा पहिरो झरेपछि उनीहरु शुक्रबार राति पौने ९ बजेबाट सम्पर्कविहीन थिए । सुरुङमा गरिएको व्लास्टिङ सफा गर्ने क्रममा उनीहरु पहिरोमा पुरिएका थिए । सुरुङभित्र २ नेपाली र २ भारतीय कामदार पुरिएका थिए ।

Yamaha


कालिकोट सिउना गाउँपालिका-४ का प्रदीप शाही, जुम्ला चन्द्रनाथ नगरपालिका-१ का प्रेम परियार, भारत झारखण्डका बुधन मुण्डा र भारत विहारका नन्द किशोरको आइतबार बिहान ११ बजे सकुशल उद्धार गरिएको हो । शाही र परियार कामदार थिए भने मुण्डा अपरेटर र नन्द किशोर ईलेक्टोनिक मिस्त्री थिए । पहिरो करिब ६० मिटर माथिबाट खसेको थियो । पहिरो पन्छाउने क्रममा सुरुङको मुखमा भएको ठूलो ढुंगा विस्फोट गराएपछि पुरिएकाहरुको आवाज बाहिर सुनिएको थियो । त्यसपछि डोरीको सहायताले उनीहरुलाई बाहिर निकालिएको थियो ।

उनीहरुको अवस्था सामान्य रहेको प्रमुख जिल्ला अधिकारी गणेशबहादुर अधिकारीले बताए । पुरिएकाहरु जीवितै हुने आशंका पछि घटनास्थलमा चिकित्सक समेतको टोली तयारी अवस्थामा राखिएको थियो । शनिबार बिहानबाट उनीहरुको उद्धार भए पनि भीरबाट धेरै माटो र ढुंगासहितको पहिरो झरेकाले कठिनाई भएको थियो । घटनास्थलमा रौताहा कम्पनी समेतका ६ वटा स्काईभेटर र डोजर प्रयोग गरिएको थियो । उद्धारका लागि प्रहरी, सशस्त्र प्रहरी, नेपाली सेना र स्थानीयबासिन्दा खटिएको डीएसपी श्यामकुमार सारुमगरले बताए ।

घटनास्थल सदरमुकाम खाँदबारीबाट ५० किलोमिटर टाढा पर्छ ।

Esewa Pasal

प्रकाशित : असार ३, २०७५ १२:४८
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

गमगढीमा विद्युत अवरुद्ध हुँदा सास्ती

राजबहादुर शाही

मुगु — मुगुस्थित गमगाढ साना जलविद्युत आयोजना अवरुद्ध हुँदा दुई दिन देखि गमगढी बजार र आसपासका गाँउ अन्धकारमय भएका छन् ।

शनिबार मध्यान्हबाट विद्युत गृहको पेनस्टक पाइप फुटेको र नहरको टयाङ्गकीमा बालुवा जमेपछि विद्युत सेवा अवरुद्ध भएको गमगाढ साना जलविद्युत् आयोजनाले जनाएको छ ।

विद्युत सेवा अवरुद्ध हुँदा सरकारी र गैरसरकारी कार्यालयको कामकाज प्रभावित बनेको छ । स्थानीयलाई मोवाइल चार्ज गर्न समेत कठिनाइ भएको छ ।

विद्युत नहुादा रारा, मुगु र सौर्यदय सामुदायिक रेडियोको प्रशारण बन्द भएको छ । विश्वकप खेलकुद हेर्न नपाएको भएको युवाहरुको गुनासो छ । करिब ४ सय किलोवाटको उक्त आयोजना पटक पटक अवरुद्ध हुँदा स्थानीयलाई सास्ती हुँदै आएको छ ।

प्रकाशित : असार ३, २०७५ १२:४७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT