हेलिकप्टरबाट सुत्केरीको उद्धार

जिल्ला अस्पतालमा शल्यक्रिया गरी सुत्केरी भएकी लिम्बूको पाठेघरबाट रक्तश्राव भएपछि थप उपचारका लागि काठमाडौं लगिएको हो । लिम्बूको जिल्ला अस्पतालको आकस्मिक प्रसूति कक्षमा गत आइतबार शल्यक्रिया गरी प्रसूति गराइएको थियो ।

कमजोर आर्थिक अवस्थाका लिम्बूका परिवारले गाउँमा ऋण खोजेर हेलिकप्टर भाडाको जोहो गरेका थिए । ३ लाख ६० हजार रुपैयाँ भाडा तिरेर श्री एयरलाईन्स्को हेलिकप्टर चार्टर गरिएको दिलुका श्रीमान् गणेशले बताए । प्रसूतिका क्रममा पाठेघरमा समस्या देखिएकोले शल्यक्रिया गर्दा बढी रक्तश्राव भएको अस्पतालले जनाएको छ । दिलुको पाठेघर च्यातिएर बढी रक्तश्राव भएको उपचारमा संलग्न डाक्टर रोहितकुमार झाले जानकारी दिए ।

बढी रक्तश्राव भएपछि जोखिम बढेको भन्दै अस्पतालले आइतबार नै जिल्ला बाहिरका अस्पतालमा उपचार लागि लैजान बिरामीलाई रेफर गरेको थियो । आइतबार नै हेलिकप्टर चार्टर गरिए पनि मौसम खराबीले हेलिकप्टर आउन नमानेको गणेशले बताए । दिलुको टिचिङ हस्पिटल काठमाडौंमा उपचार भइरहेको छ ।