बीपी राजमार्गमा दिनहुँ व्यवसायीको आन्दोलन

राजकुमार कार्की

सिन्धुली — बीपी राजमार्गमा सवारी चलाउन पाउनुपर्ने माग राख्दै यातायात व्यवसायीले दिनहुँजसो आन्दोलन गरिरहेका छन् । ३२ सिटका साना बस र १३ टनसम्म भारवहन क्षमताका मालवाहक साधन चल्न पाउनु पर्ने माग राख्दै उनीहरु आन्दोलनमा उत्रिएका हुन् । 


सिन्धुलीमाढी–खुर्कोट खण्डमा यातायातका साधन चल्न पाउनुपर्ने माग राख्दै उनीहरुले रित्ता सवारी साधन शनिबार कमलामाई नगरपालिका–४ को बीपी राजमार्ग हिरापानी खण्डमा एकतर्फी तेर्साएर विरोध जनाएका छन्।

Yamaha


गत जेठ २१ गते सर्वोच्चका न्यायाधीश सपनामल्ल प्रधानको एकल इजलाशले १० टन भारवहन क्षतमताको मालबाहक सवारी र १८ सिटसम्मको साना यात्रुवाहक साधनमात्र चल्न पाउने गरि अन्तरिम आदेश जारी भएपछि आन्दोलनकारीका सवारी साधन रोकिएका हुन्।
भौतिक पूर्वाधार तथा यातायात मन्त्री रघुवीर महासेठले ३२ सिट क्षमताका बस र १६ टन क्षमताका मालवाहक साधन चल्न दिने निर्णय गरेपछि अधिवक्ता कैलाशराज दाहालले राजमार्गको भविष्य खतरामा पर्ने भन्दै सर्वोच्चमा रिट निवेदन दर्ता गराएका थिए। लामोसमयसम्म निकास नआएपछि बाध्य भएर शान्तिपूर्ण आन्दोलनमा होमिनु परेको बीपी राजमार्ग यातायात सेवा समितिका कान्छामान वलले जनाए।

‘यसअघि संचालनमा आएका ३२ सिटे बस र १३ टनसम्मका मालवाहक साधन चल्न दिए, हामी व्यवसायीलाई हुन्छ, सम्मानित सर्वोच्चको अन्तरिम आदेशले हामी मर्कामा पर्‍यौं,’ व्यवसायी वलले भने, ‘राजमार्गका चारखण्ड मध्ये तीन खण्डमा सबै सवारी साधन सञ्चालन हुने सिन्धुलीमाढी–खुर्कोट खण्डमा नहुने यो कस्तो नियम हो।’

‘सर्वोच्च अदालतमा पेशी सरेको सर्‍यै गर्दा एकातिर हामी व्यवसायी मारमा पर्‍यौं, अर्कोतिर सामान ढुवानीमा समस्या आयो,’ ट्रक व्यवसायी संघका तारा दाहालले सुनाए।

सर्वोच्चको आदेश बमोजिम मापदण्ड विपरितका सवारी साधन संचालनमा रोक लगाएको प्रहरी उपरीक्षक रामेश्वरप्रसाद यादवले बताए। कानूनको पालना गर्दा बिभिन्न लाल्छना समेत खेप्नु परेको उनले बताए।

प्रकाशित : असार ३०, २०७५ १२:३५
ADVERTISEMENT
प्रतिक्रिया
पठाउनुहोस्

डा. केसीका मागमा अष्ट्रेलियाबाट ऐक्यबद्धता

कान्तिपुर संवाददाता

अष्ट्रेलिया — दुईसातादेखि अनसनरत डा. गोविन्द केसीको अनशनप्रति ऐक्यबद्धता जनाउँदै अष्ट्रेलियाको ब्रिसबनमा कार्यक्रम सम्पन्न भएको छ । 

चिकित्सा शिक्षा क्षेत्र सुधारको माग राख्दै जुम्लामा अनशनरत डा. केसीको माग पुरा गर्नुपर्ने भन्दै युवाहरुले कार्यक्रम आयोजना गरेका थिए। स्वतस्फूर्त रुपमा आयोजना गरिएको कार्यक्रममा सहभागी युवाहरुले देशको भलाईका लागि पटक पटक अनसन बस्नुपर्ने अवस्था सृजना गरिनु अमानवीय र दुखद भएको भन्दै सरकारलाई उनको माग तत्काल पुरा गर्न आग्रह गरेका थिए।

सरकारलाई डा.केसीको माग पुरा गराउन दबाब दिने, उनले उठाएका माग र अनशनप्रति ऐक्यबद्धता जनाउन कार्यक्रमको गरिएको कार्यक्रमको आयोजनामा खटिएकाका युवा केशव बानियाँ क्षेत्रील बताए।

‘आइ एम विथ डा. केसी, हामी डा. केसीको साथमा छौ’ लगायतका ब्यानर बोकेर ब्रिसबनस्थित न्यूफार्ममा सहभागी युवाहरु यस्तो कार्यक्रमले सरकारलाई डा. केसीको माग पुरा गर्न दबाव पुग्नेमा आशावादी थिए। डा. केसीको अभियानमा साथ दिन र उनको माग पुरा गराउनका लागि दबाव दिने उद्देश्यले सिड्नीका युवाहरुले पनि आइतबार कार्यक्रमको आयोजना गर्दैछन्।

प्रकाशित : असार ३०, २०७५ १२:१२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT