फरक संस्कृतिको सम्मान गर्नुपर्छ : उपसभामुख

कान्तिपुर संवाददाता

काठमाडौँ — उपसभामुख शिवमाया तुम्बाहाङ्फेले सबै जातजातिले फरक संस्कार र संस्कृतिको सम्मान गर्नुपर्ने बताएकी छन् । 

तस्बिर सौजन्य : उपसभामुखको सचिवालय ।

किरात याक्थुङ चुम्लुङलगायतका संघ संस्थाले आदिवासी लिम्बू समूदायको चाड सिसेक्पा तङ्नाम (साउने संक्रान्ति) को अवसरमा मंगलबार ललितपुरमा गरेको कार्यक्रममा प्रतिनिधिसभाकी उपसभामुख तुम्बाहाङ्फेले हरेक जातजातिले फरक संस्कार र संस्कृतिको सम्मान गर्नुपर्ने बताएकी हुन्।

Yamaha

‘संविधानमै हामीले आफ्ना अधिकारहरु लिपिबद्ध गरिसकेका छौं,’ उनले भनिन्, ‘अब आफ्नो संस्कार र संस्कृति नयाँ पुस्तालाई हस्तान्तरण गर्न सहज भएको छ।’

नेपालमा फरक–फरक संस्कृति बोकेका आदिवासी जनजातिको बाहुल्यता रहेको बताउँदै उनले संस्कार जोगाउने दायित्व सबैको बराबरी भएको उल्लेख गरिन्।

विगतमा आदिवासी जनजातिहरु आफ्ना अधिकार जोगाउन आन्दोलन गरेको स्मरण गर्दै उनले सिसेक्पा तङ्नामले भाषा, संस्कृति संरक्षण गर्न सघाउ पुग्ने विश्वास व्यक्त गरिन्।

Esewa Pasal

प्रकाशित : श्रावण १, २०७५ १६:३१
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

बनारसमा बन्धक बनाइएका दुई महिला फर्किए

कमल पन्थी

बर्दिया — भारतको उत्तरप्रदेश राज्यको बनारसमा बन्धक बनाइएकी बर्दियाका दुई महिला मंगलबार विहान फर्केका छन् । मधुवन नगरपालिकाकी ३२ र २८ वर्षिया ती महिला भारतको रुपैडिहा हुँदै यहाँ आएका छन् ।

भारत उत्तरप्रदेश राज्य वणारसमा बन्धक बनाइएकी बर्दिया मधुवनकी दुई महिलालाई दलालले छाडेपछि जिल्ला प्रहरी कार्यालयमा उजुरी दिदै । तस्बिरःकमल पन्थी

सन्दीप नाम गरेका दलालले कान्तिपुर अनलाईनमा सोमबार समाचार प्रकाशित भएकोले पक्राउ हुने भन्दै हामीलाई पठाएको उनीहरुले बताए।

उनीहरुका अनुसार दलालले बनारसको हनुमान मन्दिर नजिक रहेको नथुनी बजारको पाँच वटा कोठामा करिब १ सय ५० जना महिलालाई बन्धक बनाई राखेका छन्।

धादिङ, झापा, ईलाम, सुनसरी, बाँके, दाङ लगायतका जिल्लाका नेपाली महिला बन्धक बनाइएको छ। भारतीय प्रहरीको मिलेमतो भएका कारण दलाल निर्धक्क रहेको ३२ वर्षीया उद्दार भएकी ती महिलाले बताईन्।

रुपैडियासम्म जाने रोडवेज बसमा चढेर उनीहरु नेपालगन्ज हुँदै गुलरिया आएका हुन्। उनीहरुले प्रहरी कार्यालयमा दलाल विरुद्ध उजुरी दिएका छन्। स्थानीय प्रशासनले ती महिलालाई सेवा केन्द्रमा राखेको छ।

बनारस पुगेको एघार दिन पछि उनीहरु घर फर्किएका हुन्। अन्य नेपाली महिलाहरुलाई करिब तीन महिनादेखि बन्धक बनाईएको छ।

सन्दीप नाम गरेको भारतीय दलालले राहदानी बनाउन बर्दिया आएको खुलासा भएको छ। राहदानी बनाउने रकम समेत उपलब्ध गराई उद्धार भएकी दुवै महिलालाई काठमाडौं हुँदै रुपैडिहाबाट बनारस पुर्‍याएका थिए।

माईती नेपाल नेपालगन्जका संयोजक केशव कोइरालाले बनारसमा माईती नेपाल र भारतीय उद्दार संस्थाले बन्धक बनाइएको स्थलको खोजीमा लागेको जनाए।

प्रमुख जिल्ला अधिकारी राम बहादुर कुरुङमाङले बन्धक बनाइएकी ती महिलालाई उद्धारका लागि सबै तयारी भइसकेको जनाए। ‘बनारस जाने तयारीमा छौँ ’ उनले भने, ’उनीहरुलाई बन्धक बनाइएको ठाउँमा नेपाली र भारतीय संघ संस्थाले निगरानी बढाएको छ। ’

प्रकाशित : श्रावण १, २०७५ १६:२८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT