डा.केसीको जीवन रक्षाको माग गर्दै राँको फालियो

एलपी देवकोटा

जुम्ला — १८ दिनदेखि अनशनरत डा.गोविन्द केसीको समर्थनमा खलंगामा नागरिक संघर्ष समितिले राँको फ्याँकेर सरकारको विरोध गरेको छ । 

संघर्ष समितिले कृष्ण मन्दिर अगाडि राँको बालेर डा. केसीको लुतोपाउडो, रोग फाल्दै जुम्लामा एमबीबीएस पढाइ सुरु गर्नुपर्ने भन्दै विरोध गरेकोहो। उनीहरुले राँको जिल्ला प्रशासन कार्यालयतर्फ फ्याँकेका थिए।

डा. केसी चिकित्सा शिक्षामा सुधार र कर्णाली स्वास्थ्य विज्ञान प्रतिष्ठानमा एमबीबीएस पढाइ सुरु गर्नुपर्ने मागसहित जुम्लामा अनशनमा छन्।

जुम्लामा राँको बालेरै साउन १ गते अर्थात् साउने संक्रान्ति पर्व मनाइँदैछ। ज्योतिष शास्त्रानुसार सौर तिथिको हिसाबले साउने संक्रान्तिदेखि सूर्य कर्कट राशिमा प्रवेश गरी दक्षिणायन हुने भएकाले यसलाई ‘कर्कट संक्रान्ति’ पनि भनिन्छ।
साउन १ गते असारे वर्षात्, हिलोबाट लाग्न सक्ने रोगबाट जोगिन लुतो फाल्ने प्रचलन छ। तर जुम्लामा मेडिकल माफियाको विरुद्धमा लुतोपाउडो फालिएको छ।

फलफूल, नैवेद्य चढाएर कण्डारक नामक राक्षसको पूजा गर्नाले दाद, लुतो, खटिराजस्ता छालाजन्य रोगबाट बच्न सकिने विश्वास रहिआएको छ।

प्रकाशित : श्रावण १, २०७५ १९:२८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

प्रधानमन्त्रीसँग अयोग्य पूर्वलडाकुको ७ बुँदे माग

कान्तिपुर संवाददाता

काठमाडौँ — अयोग्य पूर्वलडाकुहरुले स्वेच्छिक अवकाश लिएका जनमुक्ति सेनासरह एकमुष्ठ आर्थिक प्याकेज दिनुपर्नेलगायत माग राखी प्रधानमन्त्री केपी ओलीलाई ध्यानाकर्षण पत्र बुझाएका छन् । 

नेकपाका अध्यक्षसमेत रहेका प्रधानमन्त्री ओलीलाई मंगलबार पार्टी कार्यालय धुम्बाराहीमा पुगेर बहिर्गमित जनमुक्ति सेनाको नेतृत्वमा ७ बुँदे ध्यानाकर्षपत्र बुझाइएको महासचिव सुवास थापाले जानकारी दिए । उनका अनुसार स्वेच्छिक अवकाश लिएका पूर्वजनमुक्ति सेनासरह एकमुष्ठ आर्थिक प्याकेज दिनुपर्ने वा दीर्घकालीन व्यवस्थापन हुने कुनै क्षेत्रमा लगानीको वातावरण बनाउनुपर्ने, बहिर्गमित जनमुक्ति सेनालाई लगाएको अयोग्यको बिल्ला खारेज गरी राज्यद्वारा सम्मापन पत्र र परिचय पत्र वितरण गर्नुपर्ने, पक्राउ परेकालाई बिनाशर्त अबिलम्ब रिहा गर्नुपर्ने, घाइते तथा अपांगता भएकाहरुको उपचार खर्चको व्यवस्था गर्नुपर्ने माग छन् ।

उक्त संगठनका अनुसार देशभर करिब ४ हजार अयोग्य लडाकु छन् । उनीहरु तत्कालीन नेकपा (मा‌ओवादी) ले सञ्चालन गरेको १० वर्षे सशस्त्र युद्धमा सामेल भएका थिए ।

प्रकाशित : श्रावण १, २०७५ १९:२७
पूरा पढ्नुहोस्
प्रतिक्रिया
पठाउनुहोस्
ADVERTISEMENT