अफ्रिकामा अलपत्रमध्ये २ घर फर्किए

‘२२ महिनाअघि अमेरिका जान भनी हिँडेका थिए’
कान्तिपुर संवाददाता

काठमाडौँ — अमेरिका जान भनी घरबाट २२ महिनाअघि हिँडेका र अफ्रिकी मुलुक नाइजेरिया पुगेर अलपत्र बनेका २३ नेपालीमध्ये २ जना बुधबार नेपाल फर्कने भएका छन् । 

अलग बाटो र उपायबाट अमेरिका लैजाने भन्दै जनही ३५ लाख रुपैँया उठाएर काठमाडौंबाट दिल्ली–बैंकक र त्यहाँबाट लेगोस, मेक्सिको हुँदै अमेरिका लैजाने भनिएको थियो ।

Yamaha


लेगोश शहरमा अलपत्रमध्ये ६ जना भने अघिल्लो महिना नेपाल फिरेका थिए । बिचल्ली पर्नेमध्ये बाग्लुङका बिबिन्द्र श्रेष्ठ र जगन थापा बुधबार काठमाडौं आइपुग्दैछन् ।

पीडितका आफन्तले परराष्ट्रको कन्सुलर सेवा विभागमा दिएको निवेदनमा जेसन श्रीस(राजु), बैंकक बस्ने गोविन्दराज भारती(राज) र धोजेन्द्र दगामी मगरले मानव तस्करीको एजेन्ट काम गरेकाले निजलाई पक्राउ गर्न तथा बिचल्ली नेपालीलाई घर फिर्ता गराउन आग्रह गरिएको थियो ।

बिचल्ली परेका नेपालीलाई घर फिर्ता गराउन र कूटनीतिक तहमा कानूनी प्रकृया समन्वय गर्न गैर आवासीय नेपाली संघका केन्द्रीय कोषाध्यक्ष हिक्मत थापाले लेगोसमा सहयोग गरेका थिए ।

घर फिर्न तयार भएका दुई नेपालीको ओभरस्टे जरिवाना भने गैर आवासीय नेपाली संघ, नाइजेयिाले तिरिदिएको छ ।

बिचल्ली परेर पनि घर फर्कन नचाहने कामदारलाई मानव तस्करले केहीलाई लेगोसका भित्री वस्ती र केहीलाई भने ब्राजिल, कोलम्बिया स्थानान्तरण गरिसकेका छन् ।

Esewa Pasal

प्रकाशित : श्रावण १, २०७५ १९:४६
ADVERTISEMENT
प्रतिक्रिया
पठाउनुहोस्
ADVERTISEMENT

डा.केसीको जीवन रक्षाको माग गर्दै राँको फालियो

एलपी देवकोटा

जुम्ला — १८ दिनदेखि अनशनरत डा.गोविन्द केसीको समर्थनमा खलंगामा नागरिक संघर्ष समितिले राँको फ्याँकेर सरकारको विरोध गरेको छ । 

संघर्ष समितिले कृष्ण मन्दिर अगाडि राँको बालेर डा. केसीको लुतोपाउडो, रोग फाल्दै जुम्लामा एमबीबीएस पढाइ सुरु गर्नुपर्ने भन्दै विरोध गरेकोहो। उनीहरुले राँको जिल्ला प्रशासन कार्यालयतर्फ फ्याँकेका थिए।

डा. केसी चिकित्सा शिक्षामा सुधार र कर्णाली स्वास्थ्य विज्ञान प्रतिष्ठानमा एमबीबीएस पढाइ सुरु गर्नुपर्ने मागसहित जुम्लामा अनशनमा छन्।

जुम्लामा राँको बालेरै साउन १ गते अर्थात् साउने संक्रान्ति पर्व मनाइँदैछ। ज्योतिष शास्त्रानुसार सौर तिथिको हिसाबले साउने संक्रान्तिदेखि सूर्य कर्कट राशिमा प्रवेश गरी दक्षिणायन हुने भएकाले यसलाई ‘कर्कट संक्रान्ति’ पनि भनिन्छ।
साउन १ गते असारे वर्षात्, हिलोबाट लाग्न सक्ने रोगबाट जोगिन लुतो फाल्ने प्रचलन छ। तर जुम्लामा मेडिकल माफियाको विरुद्धमा लुतोपाउडो फालिएको छ।

फलफूल, नैवेद्य चढाएर कण्डारक नामक राक्षसको पूजा गर्नाले दाद, लुतो, खटिराजस्ता छालाजन्य रोगबाट बच्न सकिने विश्वास रहिआएको छ।

प्रकाशित : श्रावण १, २०७५ १९:२८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT