एयरपोर्टबाट ३ किलो ६८० ग्राम अवैध सुनसहित २ महिला पक्राउ
काठमाडौँ — त्रिभुवन अन्तर्राष्ट्रिय विमानस्थल (एयरपोर्ट) बाट ३ किलो ६८० ग्राम अवैध सुनसहित २ महिला पक्राउ परेका छन् । थाइ एयरबाट आएका ती महिलालाई मंगलबार दिउँसो पक्राउ गरिएको विमानस्थलमा खटिएका प्रहरीले जनाएको छ ।
ती महिलाहरुले सुनबेल्ट, मुगासहितको माला र सुनको चाबी बनाएर सुन ल्याएका विमानस्थलका डिआईजी कमल जिटीले जानकारी दिए । उनका अनुसार उनीहरुले उक्त सुन कसलाई दिन ल्याएका थिए भन्ने बारे बताएका छैनन् ।
सोही समूहबाट सुन ल्याएका अन्य तीन जनालाई विमानस्थल भन्सारले समातेको छ ।
सोमबार पनि विमानस्थलबाट ३ किलो ३६ ग्राम सुनसहित दुई भारतीय नागरिक पक्राउ परेका थिए ।
प्रकाशित : श्रावण ९, २०७५ १७:३४प्रतिक्रिया