नेपाली विमानमाथिको बन्देज हटाउन आग्रह

युरोपका पोर्चुगल, लग्जेम्बर्ग र बेल्जियम भ्रमण क्रममा उनले त्यहाँका सरकारी तथा युरोपियन युनियनका अधिकारीलाई त्यस्तो आग्रह गरेका हुन् । उनी १० दिन लामो युरोप यात्रा सकेर बुधबार स्वदेश फर्केका छन् । ‘दुईपक्षीय छलफल तथा गैरआवासीय नेपालीसँगको अन्तक्र्रिया फलदायी भयो,’ त्रिभुवन अन्तर्राष्ट्रिय विमानस्थलमा उनले भने ।

उनले युरोपेली पूर्वाधार बैंकलाई नेपालमा लगानी वृद्धि गर्नसमेत आग्रह गरेको जानकारी दिए । नेपालमा युरोपेली मुलुकको लगानी वृद्धि हुने विश्वास उनले व्यक्त गरे । युरोप बसाइ क्रममा उनले गैरआवासीय नेपालीलाई पनि नेपालमा लगानी भित्र्याउन आवश्यक पहल गरिदिन आग्रह गरेका थिए । उनले नेपाली दूतावासहरूलाई नेपालमा लगानी भित्र्याउनका लागि पहल गर्न र मुलुकको पछिल्लो राजनीतिक अवस्थाबारे सकारात्मक जानकारी दिनसमेत निर्देशन दिएका थिए ।

उनले राजदूतहरूको सम्मेलन ब्रसेल्समा गरेर नेपालको पछिल्लो अवस्था जानकारी गराउँदै दूतावासले गरेको कामबारे जिज्ञासा राखेका थिए ।