डुबेका ३ विद्यार्थी भेटिएनन्
ओखलढुंगा — सोलुखुम्बुको गोक्यो तालमा डुबेर शनिबारदेखि बेपत्ता खुम्जुङ मावि सोलुखुम्बुका ३ विद्यार्थी अझै भेटिएका छैनन् ।
बेपत्ता हुनेमा खुम्जुङका पेम्बादोर्जी शेर्पा र पेम्बानुरु शेर्पा तथा नाम्चेका सुनील बराइली छन् । तीनैजना कक्षा ९ का विद्यार्थी हुन् । शैक्षिक भ्रमणका लागि गएका उनीहरू नुहाउने क्रममा शनिबार बिहान ८ बजेतिर तालमा डुबेका थिए । बेपत्ताको खोजी भइरहेको सोलुखुम्बुका डीएसपी रेशमबहादुर पराजुलीले बताए ।
प्रकाशित : श्रावण २३, २०७५ ०७:२५प्रतिक्रिया