पहिरोमा पुरिएका दम्पतिको हेलिकप्टर मार्फत उद्धार [अपडेट]

भत्किएको घरबाट उद्धार गरिएका श्यामबहादुर श्रेष्ठ र उनकी श्रीमती दलमाया श्रेष्ठलाई वस्तीको चारैतिर पहिरो गएपछि उनीहरुलाई सेनाको हेलिकप्टर मार्फत उद्धार गरिएको छ । पहिरो कारण एक दर्जन भन्दा बढी घर पुरिएका छन् ।

चारैतिर पहिरो गएकाले उद्धारका लागि उक्त स्थलमा पैदल पुग्न नसकेपछि हेलिकप्टरबाट उद्धार गरिएको प्रमुख जिल्ला अधिकारी सागरमणि पाठकले बताए ।

उनका अनुसार सेनाका हेलिकप्टरबाट बुधबार दिउँसो उनीहरुलाई सिधै काठमाडौं लगिएको छ ।

पहिरोले गाउँ जाने बाटोसमेत अवरोध भएकाले उद्धार कार्यमा कठीन भइरहेको बताइएको छ ।

भर्खरै पुगेको प्रहरीले उद्धार र क्षतीको विवरण संकलन गर्ने कार्य थालेको प्रजिअ पाठकले जानकारी दिए ।

पहिरोले उत्तरी क्षेत्रको विगु र गौरीशंकर गाउँपालिकाको विभिन्न स्थानका घरहरुमा क्षति पुगेका छन् ।

सडकहरु अवरुद्ध भएकाले एक ठाउँबाट अर्को ठाउँमा जान नसकिएको स्थानीयले जानकारी दिएका छन् ।