जलेश्वर कारागार डुबानमा

रासस/याेन्हाप

गौशाला — भीषण वर्षापछि महोत्तरी, धनुषा र केही दिनदेखि सर्लाही जिल्लाको संयुक्त कारागारका रुपमा रहेको जलेश्वर कारागार डुबानमा परेको छ । 

जिल्लामा गएराति भएको मुसलधारे वर्षाको पानीले जलेश्वर कारागार सोमबार बिहान डुबानमा परेको हो । एक सय ६० वर्ष पुरानो राणाकालीन जलेश्वर कारागार जलेश्वर नगरपालिका–२ मा सबैभन्दा गहिरो स्थानमा अवस्थित छ भने वर्षाको बेला यो कारागार पटकपटक डुबानमा पर्ने गरेको जेलर शोभेन्द्र ठाकुरले बताए ।

Yamaha

वर्षाका कारण कारागारको प्राङ्गणभित्र तथा बाहिर चारैतिर पानी भरिएको छ भने कार्यालय प्रमुख बस्ने तथा कर्मचारी प्रशासन कक्षमा समेत पानी प्रवेश गरेको छ ।

कारागारको भित्र कैदीबन्दी बस्ने बन्दीगृहबाट पानी निकासका लागि बनाइएको नाला भएर पनि बाहिरको पानीभित्र प्रवेश गरेको चौकीदार श्रीनारायण महतोले बताए ।

आगलागीमा आठ लाखको क्षति

यसैगरी महोत्तरी जिल्लाको मटिहानी नगरपालिकाको एक घरमा आज बिहान भीषण आगलागीमा परी रु आठ लाखको क्षति भएको छ ।

जिल्ला प्रहरी कार्यालय महोत्तरीका प्रहरी नायब उपरीक्षक खगेन्द्रबहादुर खड्काका अनुसार मटिहानी नगरपालिका–८ बस्ने विपीनकुमार लालकर्णको घरमा भएको आगलागीमा आठ लाख मूल्य रुपैयाँ बराबरको क्षति भएको हो ।

बिहान करीब ३/४ बजे कर्णको घरमा विद्युत् सर्ट भई आगलागी भएको थियो भने आगलागीमा उनका घरभित्रका नगद, गरगहना, अन्न, लत्ता कपडा, भाडाकुँडा, टेलिभिजन, मोबाइलसहित रु आठ लाख मूल्य बराबरको धनमाल जलेर नष्ट भएको थियो ।

कर्णको घरमा भएको आगलागी नेपाल र सशस्त्र प्रहरीले संयुक्तरुपमा नियन्त्रणमा लिएका थिए ।

प्रकाशित : श्रावण २८, २०७५ १२:३८
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

देवघाटमा बोलबम तिर्थालुको घुँइचो

रमेशकुमार पौडेल

चितवन — देवघाटधाम माघे संक्रान्ति स्नानका लागि प्रख्यात छ । तर केही वर्ष यता साउनको सोमबार बोलबम तिर्थालुका कारण पनि भिडभाड हुन थालेको छ । यो वर्षको अन्तिम साउने सोमबार आज देवघाट क्षेत्रमा माघे संक्रान्ति मेलाकै झल्को आउने गरेर भक्तहरुको भिड लागेको छ ।

देवघाट क्षेत्र विकास समितिका अध्यक्ष टंक पौडेलका अनुसार दिनभरमा दुई लाखको हाराहारीमा स्नानका लागि श्रद्धालुहरु आउने अनुमान भएको बताउँछन् । साउन भर पाँच लाखले देवघाट स्नान गरेको अध्यक्ष पौडेलले जानकारी दिए । देवघाटको जल शिवालयहरुमा लगेर चढाउने क्रम केही वर्षयता बढेको छ ।

देवघाटधाममा नै घर भएका साविकको देवघाट गाविसका पूर्व अध्यक्ष शिवराज पौडेलका अनुसार पनि १० वर्षयता बोलबम तिर्थयात्रुहरु जल लिन र स्नान गर्न आउने क्रम बढेको बताउँछन् । देवघाट त्रिशुली र कालिगण्डकी नदी दोभान हो । त्यहाँ नुहाउन माघे संक्रान्तिमा देवताहरु पनि आउँछन् भन्ने किम्वदन्ती रहेको छ ।

देवघाटमा नुहाएपछि बोलबम श्रद्धालुहरुले पशुपति, रुपन्देहीको पर्रोहा धामको शिवालयमा यहाँको जल लगेर चढाउने देवघाट क्षेत्र विकास समितिका अध्यक्ष टंक पौडेलले बताए ।

देवघाटमा नै शिवालयहरु छन् । स्नान क्षेत्रको आडैमा १०८ शिवलिंग पनि निर्माण भएको छ ।

भरतपुर महानगरपालिकासँग जोडिएको देवघाट जान झोलुंगे पुल तर्नु पर्छ । पुल तर्न भिडभाड भएका कारण प्रहरीले पालो मिलाएर पठाएको छ । 

प्रकाशित : श्रावण २८, २०७५ १२:३१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT