विषयगत समितिका सभापतिकाे निर्वाचन भदौ ५ मा

रासस

काठमाडौँ — प्रतिनिधिसभा मातहतका १० वटा विषयगत समितिका सभापतिकाे निर्वाचन आगामी भदौ ५ गते हुने भएको छ ।

प्रतिनिधिसभाको साेमबार बसेकाे बैठकको अन्त्यमा सभामुख कृष्णबहादुर महराले उक्त जानकारी दिएका छन् । अहिले समितिहरुको बैठकको अध्यक्षता सम्बन्धित समितिका ज्येष्ठ सदस्यहरुले गर्दै आएका छन् । उक्त निर्वाचनका लागि सङ्घीय संसद् सचिवालयले आजै निर्वाचन कार्यक्रम प्रकाशन गर्नेछ ।

Yamaha

प्रकाशित : श्रावण २८, २०७५ १७:४२
ADVERTISEMENT
प्रतिक्रिया
पठाउनुहोस्
ADVERTISEMENT

खोलामा बगेर महिलाको मृत्यु  

भीमबहादुर सिंह

जाजरकोट — बारेकोट गाउँपालिका–५ नायकबाडाकी २३ वर्षीय तारासिंह अधिकारीको नलगाड खोलाको मालुवातरामा शव भेटिएको छ ।

उनलाई कसरी खोलाले बगायो भन्ने खुल्न सकेको छैन । आइतबार घरबाट उपचार गर्न भन्दै प्राथमिक स्वास्थ्य केन्द्र लिम्सातर्फ एक्लै हि‌ँडेकी सिंहको शव सोमबार १० किलोमिटर तल रहेको मालुवातरामा फेला परेको हो ।

अस्पताल जाने बाटोमा पर्ने गोलखानी खोला र नलगाड मध्ये कुनै एक खोलाबाट बगेर उनको मृत्यु भएको आशंका गरिएको स्थानीय प्रकाश गिरीले बताए । मृतकका पति जनकबहादुर सिंह रेडियो जाजरकोटमा आवद्ध संचारकर्मी हुन् । मृतककी एक छोरी छन् ।

प्रकाशित : श्रावण २८, २०७५ १७:३४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT