विद्यालयको खानेपानी ट्यांकीमा विष[अपडेट]

२० जना विद्यार्थी बिरामी
माधव घिमिरे

विराटनगर — मोरङको लेटाङ नगरपालिकास्थित जाँतेमा रहेको एक विद्यालयको खानेपानी ट्यांकीमा अज्ञात व्यक्तिले हालेको विषादीका कारण २० जना विद्यार्थी बिरामी परेका छन् ।

उर्लाबारी-३ स्थित मंगलबारे अस्पतालमा उपचारका लागि ल्याइएका विद्यार्थीहरु । तस्बिर सौजन्यः गोपाल काफ्ले

स्थानीय श्री माध्यमिक विद्यालयको खानेपानी ट्यांकीमा हालिएको विष मिस्रित पानी पिउँदा विद्यार्थी बिरामी परेका हुन्।

Yamaha

बिरामीमध्ये १८ जनाको उर्लाबारी-३ मंगलबारेस्थित म‌ंगलबारे अस्पतालमा उपचार भइरहेको जाँतेस्थित प्रहरी कार्यालयका असई हरिनारायण राजवंशीले बताए। उनका अनुसार अरु खुश्बु मिश्र र सृष्टि निरौला, कमला लिम्बू र मनिष थापालाई थप उपचारका लागि विराटनगर पठाइएको छ।

विराटनगरस्थिन नोबेल अस्पतालमा उपचारका लागि ल्याइएकी विद्यार्थी कमला लिम्बू। तस्बिरःवेदराज पौडेल / कान्तिपुर

विद्यालय परिसरमा रहेको ५ सय लिटर क्षमताको सिमेन्टबाट बनाइएको ट्यांकीमा विषादी हालेको पाइएको थियो।

असई राजबंशीका अनुसार ट्यांकीमा ‘साइबेरिन’ लेखिएको विषको बट्टा फेला परेको छ। विषादी कसले हालेको भन्ने खुलेको छैन। सोधखोज भइरहेको प्रहरीले जनाएको छ।

अस्पतालमा उपचारका लागि ल्याइएकी विद्यार्थीसृष्टि निरौला। तस्बिरःवेदराज पौडेल / कान्तिपुर
विद्यालय समय सुरु हुन लाग्दा टाढा टाढाबाट आएका विद्यार्थीले पानी पिएका थिए। त्यसपछि शिक्षकहरुले पनि पिउने क्रममा केही गन्ध आएजस्तो लागेपछि ट्यांकीमा जाँच गरिएको असई राजबंशीले बताए। त्यसक्रममा विषादी हालेको पाइएको थियो।

प्रकाशित : श्रावण २९, २०७५ १३:४९
ADVERTISEMENT
प्रतिक्रिया
पठाउनुहोस्

धम्कीपछि दोलखाका विद्यालय बन्द

कान्तिपुर संवाददाता

दोलखा — टेलिफोनबाट धम्की आएपछि दोलखाका विद्यालयहरु बन्द भएका छन् । धम्की दिएको र बन्द गराउन दबाव दिदै हिडेको आरोपमा विप्लव समूहका कार्यकर्ता श्याम पाख्रिन पक्राउ परेका छन् ।

सदरमुकाम चरिकोटस्थित विद्यालयहरुलाई मंगलबार बन्द गराउन फोनबाट दबाव आएको एक शिक्षकले बताएका छन् । विद्यालय जान ठिक्क परेका बालवालिकाहरुलाई विद्यालयबाट जानकारी आएपछि रोकिएका थिए ।

सोमबार साँझ पक्राउ परेका पाख्रिन गैरकानुनी गतिविधि गर्दै गर्दा पक्राउ परेको प्रहरी नायब उपरीक्षक वासुदेव पाठकले बताए । उनले आफु रेड युथ कार्यकर्ता भएको तर बन्द कार्यक्रममा संलग्न नभएको बताएका छन् ।

प्रकाशित : श्रावण २९, २०७५ १३:३२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT