जुम्लामा फेरि झाडापखाला प्रकोप, एक सातामा ५० भन्दा बढी बिरामी 

एलपी देवकोटा

काठमाडौँ — हिमा गाउँपालिकाको ठूला चिउडीमा पुन: झाडापखाला प्रकोप फैलिएको छ । एक साताभित्र ५० भन्दा बढी स्थानीय बासिन्दा बिरामी परेका छन् । 

साउन १९ देखि फैलिएको झाडापखाला २४ गते नियन्त्रणमा आएको थियो । सोमबारदेखि पुन: फैलिएको हो । प्राथमिक स्वास्थ्य केन्द्रबाट हेल्थ असिस्टेन्ट हंस महताराको नेतृत्वमा गाउँ पुगेको स्वास्थ्यटोलीले १८ जनाको उपचार गरेको थियो । अहिले केन्द्रको इमरजेन्सीमा १५ र ओपीडीमा २४ जनाको उपचार गरिएको प्रतिवेदन जिल्ला प्रशासनमा आएको प्रजिअ विष्णु पौडेलले बताए । झाडापखालाले महामारीकै रूप भने लिइनसकेको उनको भनाइ छ । ‘रोग नियन्त्रणका लागि प्रयास भइरहेको छ,’ उनले भने, ‘स्वास्थ्य टोलीले गाउँमै पुगेर फेरि बिरामीको उपचार थालेको छ ।’

Yamaha


छाडिखोला मूलमा खोलाको दूषित पानी मिसिएपछि गाउँभरि झाडापखाला फैलिएको प्राथमिक स्वास्थ्य केन्द्र कालिकाखेतुका कर्मचारी रवीन्द्र भण्डारीले बताए । झाडापखालाले गाउँ नै प्रभावित भएको भन्दै तत्काल उपचारको पहल गर्न स्थानीय लक्ष्मण शाहीले जिल्ला प्रशासनको ध्यानाकर्षण गराएका छन् । जिल्ला जनस्वास्थ्य र कर्णाली स्वास्थ्य विज्ञान प्रतिष्ठानलाई पनि ध्यानाकर्षण गराएको उनले बताए ।

गम्भीर अवस्थामा पुगेका हिमा गाउँपालिका–७, ठूलाचिउडीकी ४६ वर्षीया चाउली कामी र ४८ वर्षीय कौशिला रोकायालाई थप उपचारका लागि कर्णाली स्वास्थ्य विज्ञान प्रतिष्ठान, शिक्षण अस्पतालमा रेफर गरिएको छ । उनीहरूलाई प्राथमिक स्वास्थ्य केन्द्र, कालिकाखेतु लगिएको थियो । शिक्षण अस्पतालमा अहिले चार जनाको उपचार भइरहेको छ ।

झाडापखाला नियन्त्रणका लागि आवश्यक औषधि र चिकित्सक टोली ठूलाचिउडी पठाउने तयारी भइरहेको कर्णाली स्वास्थ्य विज्ञान प्रतिष्ठानका रजिस्ट्रार विश्वराज काफ्लेले बताए । ‘बुधबार जिल्ला जनस्वास्थ्य र प्रतिष्ठानको टोली त्यसतर्फ जाँदै छ,’ उनले भने, ‘मंगलबार गाउँमा पानी परेकाले स्वास्थ्यकर्मीको टोली पठाउन नसकिएको हो ।’ शनिबार स्वास्थ्यकर्मीले खानेपानी ट्यांकीमा पोटास राखेर शुद्धीकरण गरे पनि पुन: झाडापखाला फैलिएको स्थानीय प्रशासनले जनाएको छ ।

Esewa Pasal

प्रकाशित : श्रावण २९, २०७५ २०:२१
प्रतिक्रिया
पठाउनुहोस्
ADVERTISEMENT

घूससहित भन्सारका कर्मचारी पक्राउ

भवानी भट्ट

कञ्चनपुर — कञ्चनपुर भन्सार कार्यालय गड्डाचौकीका एक कर्मचार घूससहित पक्राउ परेका छन् । अख्तियार दुरुपयोग अनुसन्धान आयोगको महेन्द्रनगरस्थित कार्यालयको टोलीले मंगलबार नायब सुब्बा रामप्रसाद भट्टराईलाई १० हजार घूस रकमसहित पक्राउ गरेको हो ।

‘भन्सार लाग्ने सामान १० हजार लिएर छाडेको पाइयो’ अख्तियारका डिएसपी प्रेमसागर केसीले भने, ‘सेवाग्राहीले दिएको सूचनाका आधारमा पक्राउ गरिएको हो ।’

पक्राउ परेका नासु भट्टराईबारे थप अनुसन्धान गरी बुधबार केन्द्रीय कार्यालय पठाइने उनले बताए ।

प्रकाशित : श्रावण २९, २०७५ २०:०३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT