प्रदेश २ हुँदै नेपालको पानी जहाज कोलकाता पुग्छः प्रधानमन्त्री

सन्तोष सिंह

जनकपुर — प्रधानमन्त्री केपी शर्मा ओलीले नेपालबाट भारतको कोलकाता जाने पानी जहाज प्रदेश २ बाट चल्ने बताएका छन् । शनिबार मध्यान्ह प्रदेश २ को प्रदेश सभालाई सम्बोधनको क्रममा प्रधानमन्त्री ओलीले नेपालको तीन नदीबाट पानी जहाज चाडै सुरु हुने बताएका हुन् ।

भारतले सीमा क्षेत्रमा बाँध बनाएर नेपाल डुबाउन नमिल्ने बताएका छन्।

Yamaha

यसैगरी सम्बोधनको क्रममा प्रधानमन्त्री ओलीले आफू तराईको विकासको लागि प्रतिवद्ध भएको दोहोर्‍याएका छन्। उनले हरेक प्रदेशको आ-आफ्नै विशेषता भएको बताउँदै तराई पनि उर्बरभूमी भएको उल्लेख गरे।

यसका लागि आफू सिँचाइको लागि चाँडै भन्दा चाँडै काम गरिरहेको बताए। उनले तराइको विकासको लागि सहरी विकास मन्त्रालयले ७० प्रतिशत बजेट छुट्ट्याएको दाबी गरे।

यसैगरी जनता आवास कार्यक्रम अनुसार प्रदेश २ को हरेक जिल्लामा १ बजार घर बनाउने योजना रहेको बताए। जनता आवास कार्यक्रमलाई प्रभावकारी बनाउने उनको दाबी छ।

यसैगरी अबको ५ वर्षमा हुलाकी सडक पुरा गरिसक्ने पनि प्रधानमन्त्री ओलीले सम्बोधनको क्रममा बताए।

उनले भारतीय प्रधानमन्त्री नरेन्द्र मोदीसँग आफ्नो मित्रता राम्रो भएको बताउँदै दुई छिमेकीबीचको सम्बन्ध थप मजबुत बनाउने जनाए। उनले सरकारको उद्देश्य समृद्ध नेपाल सुखी नेपाल भएको र यो दुई छिमेकी ले पनि यही चाहेको बताए।

सभा सुरु हुनासाथ राजपाका उपेन्द्र महतो, विशेश्वर प्रसाद यादव र गौरी नारायण साहले बैठक बहिस्कार गरेर प्रदेश सभाबाट बाहिरिएका थिए।

यसैगरी प्रधानमन्त्री ओलीले प्रदेश २ मा मल कारखाना खोलिने बताए। उनले उखु कृषककाे सवालमा विशेष प्याकेज ल्याउने आश्वासन दिए। उनले किसानलाई अनुदान दिने पनि बताएका छन्।

धार्मिकस्थलकाे संरक्षण र प्रवर्द्धनका लागि सरकार प्रतिबद्ध रहेको ओलीले बताएका छन्। उनले भने, 'पर्यटकीय, औद्योगिक ग्राम निर्माण गर्ने, राजर्षी जनक विश्व विद्यालयको भौतिक अवस्थ सुधार, राजविराजमा मेडिकल कलेज स्थापना गर्छौं।'

उनले रामराजाप्रसाद सिंहको नाममा मेडिकल कलेज स्थापना गर्ने तयारी भइरहेको जानकारी दिए।

जनकपुर फाेहरमुक्त बनाउन सरकारले अावश्यक पहल गर्ने सम्बोधनको क्रममा ओलीले बताएका छन्। ल्याण्ड फिल्ड साइट निर्माण हुन नसक्दा फाेहर व्यवस्थापनमा समस्या भएकाेले जमीन खाेज्न पहल सरकारले गर्ने उनको भनाइ थियो।

सीप विकास तालिम दिएर स्वराेजगार तथा दक्ष जनशक्ति उत्पादनगरिने पनि ओलीको भनाइ छ।

बाबु वा अामा एक जनाको नेपाली नागरिकता भएकाे छाेराछाेरी जन्मकाे अधारमा नागरिकता पाउने जानकारी पनि उनले दिए ।

Esewa Pasal

प्रकाशित : भाद्र २, २०७५ १२:५६
ADVERTISEMENT
ADVERTISEMENT
प्रतिक्रिया
पठाउनुहोस्

प्रधानमन्त्री जनकपुरमा, राजपा सांसदद्वारा विराेध

सम्बाेधनमा अवरोध पुर्‍याउने आशंकमा राजपा सांसदसँग छलफल 
सन्तोष सिंह

जनकपुर — प्रधानमन्त्री केपी शर्मा ओलीले प्रदेश २ को प्रदेश सभालाई गर्ने सम्बोधनको विषयलाई लिएर प्रदेश २ का राजपा सांसद उपेन्द्र महतोले सामाजिक सञ्जालमा दिएको अभिव्यक्तिमाथि छलफल गरिएको छ ।जनकपुरमा शनिबार हुने प्रधानमन्त्रीको सम्बोधनबारे महतोले विवादस्पद अभिव्यक्ति दिएपछि सभामुख कक्षमा यस विषयमा छलफल भएको हो । 

शनिबार बिहान प्रधानमनत्री पुगे लगत्तै सांसद महतोलाई संसद सचिवालयका अधिकारीले सभामुखको कक्षमा बोलाएर छलफलका लागि बोलाएका थिए।

महतोले सामाजिक सञ्जालमा महतोले ओलीको जनकपुर आगमन मधेस विरोधी भन्दै खुल्ला पत्र लेखेका थिए।

राजपाका २ सांसदले ओलीलाई सम्बोधन गर्न दिन नहुने भन्दै सामाजिक सञ्जालमा लेखेका थिए।
प्रदेश २ का उद्योग तथा पर्यटन राज्यमन्त्री राजपा सांसद सुरेश मण्डलले पनि प्रधामन्त्रीको जनकपुर भ्रमण मधेस आन्दोलनको विपरित भएको भन्दै सामाजिक सञ्जालमा विरोध जनाएका छन्। राज्यमन्त्री मण्डल सभामा पनि उपस्थित छैनन्। सांसद महतो भने प्रधानमन्त्री उपस्थित सभामै छन्।

नेपाल कम्युनिष्ट पार्टीका अर्का अध्यक्ष पुष्पकमल दाहाल पनि प्रधानमन्त्रीसँगै जनकपुर पुगेका छन्। प्रहरीलेओलीको विरोधमा कालो झण्डा देखाइरहेका केहीलाई पक्राउ गरेको छ।


प्रकाशित : भाद्र २, २०७५ ११:४४
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT