चितुवाको छालासहित सामुदायिक वनका अध्यक्ष पक्राउ 

पुच्छरसहितको लम्बाई ५ फिट ९ इच्च र चौडाई २ फिट ६ इन्च भएको चितुवाको छालासहित प्रहरीले भुसुने सुँगुरे सामुदायिक वनका अध्यक्ष नारद सुनुवारसहित तीन जनालाई पक्राउ गरेको हो ।

पक्राउ पर्ने अन्यमा बैत्यश्वर गाउँपालिका काब्रेका प्रदीप गजमेर र वेदबहादुर सुनुवार छन् ।उनीहरु चितुवाको छाला विक्री गर्न हिँडेको सुराकीको आधारमा पक्राउ गरिएको प्रहरीले जनाएको छ ।

सामुदायिक वनभित्र पासो लागाएर चितुवा मारेको र विक्रीका लागि हिडेको खुलेको प्रहरी नायब उपरीक्षक बासुदेव पाठकले जानकारी दिए । आरोपीहरुलाई जिल्ला वन कार्यालयमा बुझाइने प्रहरीले जनाएको छ ।