कञ्चनपुर घटनाको मिहीन छानबिन गर : नेकपा

कान्तिपुर संवाददाता

काठमाडौँ — सत्तारूढ दल नेकपाले कञ्चनपुरकी निर्मला पन्तको हत्या घटनाको मिहीन छानबिन गरी दोषीलाई कडा कारबाही गर्न सरकारलाई आग्रह गरेको छ ।

फाइल तस्बिर

नेकपाको शनिबार बसेको सचिवालय बैठकले छानबिनमा कुनै कमजोरी नगर्न र शंकास्पद सबैलाई छानबिन दायरामा ल्याउनसमेत सरकारको ध्यानाकर्षण गराएको छ । उक्त घटनाको छानबिन माग गर्दै भएको आन्दोलन चर्किएपछि तत्काल समस्या समाधानको बाटो पहिल्याउन भन्दै आकस्मिक बैठक बसेको हो ।

Yamaha

प्रवक्ता नारायणकाजी श्रेष्ठका अनुसार बैठकले दोषी छिटो पत्ता लगाई जो भए पनि कारबाही गर्न सरकारको ध्यानाकर्षण गराएको छ । उक्त प्रकरणमा प्रहरी अधिकारीकै आफन्तको संलग्नता आशंका गर्दै स्थानीयले आन्दोलन चर्काएका थिए । नेकपा सचिवालयमा प्रधानमन्त्री केपी ओली, गृहमन्त्री रामबहादुर थापा, रक्षामन्त्री ईश्वर पोखरेलसमेत छन् । बैठकमा हत्या प्रकरणको प्रारम्भिक छानबिनमा भएको कमजोरीले आन्दोलन उठ्ने अवस्था आएको नेताहरूले बताएका थिए ।

Esewa Pasal

प्रकाशित : भाद्र ९, २०७५ २१:४५
प्रतिक्रिया
पठाउनुहोस्
ADVERTISEMENT
ADVERTISEMENT

सुमो दुर्घटनामा चालकसहित ११ घाइते

कान्तिपुर संवाददाता

काठमाडौँ — दक्षिकाली नगरपालिका ९ को टल्कु भन्ने ठाउँमा शनिबार राति सुमो दुर्घटना हुँदा चालकसहित ११ जना घाइते भएका छन् । 

काठमाडौंबाट वीरगन्जका लागि छुटेको ना १ ज ४७०२ नम्बरको युनिक सुमो राति ८ बजेतिर दुर्घटनामा परेको दक्षिकाली नगरपालिका वडा नम्बर ९ का वडाध्यक्ष अम्रिका बलामीले जानकारी दिए। उनका अनुसार स्थानीय बासिन्दा, इलाका प्रहरी कार्यालय फर्पिङको टोलीले घाइतेको उद्धार गरेको हो। सुमोमा चालकसहित ११ जना सवार थिए ।

घटनामा परेकाहरुको पहिचान खुलेको छैन। उनीहरुमध्ये केहीको अवस्था गम्भीर रहेको प्रहरीले जनाएको छ। घाइतेहरुलाई मनमोहन हस्पिटल दक्षिकालीमा उपचारमा राखिएको छ।

सुमो सडकबाट करिब ५० मिटर तल खसेको छ।

प्रकाशित : भाद्र ९, २०७५ २१:३९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT