बिमस्टेक  सुरक्षा पूर्वअभ्यास

रासस

काठमाडौँ — बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिमस्टेक) सम्मेलनमा नेपाल आउने पाहुनालाई आवश्यक सुरक्षासहित आवास स्थलसम्म पुर्‍याउन सोमबार पूर्वअभ्यास गरिएको छ । 


यही भदौ १४ र १५ गते काठमाडौँमा हुने सम्मेलनमा भाग लिन आउने विदेशी विशिष्ट तथा अति विशिष्ट पाहुनालाई त्रिभुवन अन्तर्राष्ट्रिय विमानस्थलदेखि पाहुना बस्ने होटल, सम्मेलनस्थलदेखि उनीहरु जाने स्थानसम्म पूर्वअभ्यास गरिएको हो।

Yamaha


नेपाली सेना, सशस्त्र प्रहरी बल, नेपाल प्रहरी र राष्ट्रिय अनुसन्धान विभागको समन्वयमा उक्त पूर्वअभ्यास भएको थियो। सम्मेलनमा नेपाल, भारत, बङ्गलादेश, थाइल्याण्ड, श्रीलङ्का, म्यान्मा, भुटानका राष्ट्रप्रमुख तथा सरकार प्रमुख सहभागी हुनेछन्।

महानगरीय प्रहरी कार्यालय रानीपोखरीका प्रमुख एवं प्रहरी नायब महानिरीक्षक मनोज न्यौपानेले सरकारले तोकेअनुसार विशिष्ट र अति विशिष्ट पाहुनाको सुरक्षा व्यवस्था मिलाइएको जानकारी दिए।

'व्यक्ति अनुसारको सम्मानका लागि छुट्टाछुट्टै सुरक्षा व्यवस्था तयार गरेका छौँ,' उनले भने। गृह मन्त्रालयले सम्मेलनमा भाग लिन आउने पाहुनालाई अति विशिष्ट व्यक्ति सुरक्षा कार्यविधि-२०७० अनुसार सुरक्षा योजना तयार गरेको जनाएको छ।

महानगरीय प्रहरी कार्यालय रानीपोखरीका प्रमुख न्यौपानेले बिमस्टेक सम्मेलनको लागि आवश्यक सुरक्षा व्यवस्था पूरा भएको जानकारी दिए।

Esewa Pasal

प्रकाशित : भाद्र ११, २०७५ १५:३३
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

टिकुलिया घाटमा बेपत्ताको शव भारतमा भेटियो

शिव पुरी

रौतहट — रौतहटको गौर नगरपालिका-४ टिकुलिया घाटमा शनिबार भएको डुंगा दुर्घटनामा बेपत्ता भएकी १० वर्षीया उस्मा पटेलको सोमबार फेला परेको छ । 

भारतको जमुनाह घाटमा भारतीय सुरक्षा अधिकारीले शव फेला पारेका हुन् । प्रमुख जिल्ला अधिकारी गोविन्दप्रसाद रिजालले घटनामा अझै २ जना बेपत्ता भएको जानकारी दिए । उक्त घटनामा २४ जना पौडिएर बाँचेको थिए ।
यसैबीच प्रदेश-२ का मुख्य मन्त्री मोहम्मद लाल बाबुले मृतक परिवारलाई २ लाख रुपैयँको दरले सहयोग दिने बताएका छन् र उनले मृतक परिवारलाई किरिया खर्च बापत २५ हजारका दरले सहयोग गरेको बताए । मुख्य मन्त्री राउत आइतबार बिहान घटनास्थल पुगेका थिए । उनले पुल निर्माणको क्रममा ढिलासुस्तीबारे प्रधानमन्त्री केपी शर्मा ओलीसँग भेटेर जानकारी गराउने बताए।

गौर लगायत टीकुलियाका स्थानीयले पुल निर्माण कम्पनी पप्पु कन्टक्सनलाई करबाहीको माग राख्दै जिल्ला प्रशासन कार्यालयमा ज्ञापन पत्र दिएका छन ।।

प्रकाशित : भाद्र ११, २०७५ १५:२६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT