उपसभामुख तुम्बाहाम्फे भन्छिन्, 'फाँसीको कानुन बनाउन सकिँदैन'

कान्तिपुर संवाददाता

दमक — प्रतिनिधिसभाकी उपसभामुख शिवमाया तुम्बाहाम्फेले बलात्कारीलाई फाँसीको सजाय दिने कानुन निर्माण गर्न नसकिने बताएकी छन् । उनले देशमा बलात्कार तथा यौनजन्य हिंसाका घटना बढे पनि त्यसमा संलग्नलाई फाँसीको सजाय दिने कानुन बनाउन नसकिने बताइन् । 

झापाको दमकस्थित मेची सहकारी संस्थाको २२ औं वार्षिकोत्सव तथा २४ औं साधारणसभालाई सम्बोधन गर्दै उपसभामुख तुम्बाहाम्फेले फाँसीको कानुन बनाउन नसके पनि बाँचुञ्जेल जेलमा बस्ने कानुन निर्माण गरेको बताइन् । उनले अन्तर्राष्ट्रिय महासन्धिमा जस्तोसुकै अपराध भए पनि आफ्नो मुलुकमा फाँसीको सजाय नदिने भनी नेपालले हस्ताक्षर गरेकाले उक्त कानुन निर्माण गर्न नसकिने बताएकी हुन् । ‘देशमा बढेको बलात्कार र यौन हिंसाका घटनाका दोषीलाई फाँसीको सजायको माग उठिरहेको छ । तर, हामी अन्तर्राष्ट्रिय महासन्धिका कारण फाँसीको सजाय दिने कानुन बनाउन सक्ने अवस्थामा छैनौं’ तुम्बाहाम्फेले बताइन् ।

Yamaha


उनले अवोध बालिकादेखि वृद्धा हजुरआमाहरु बलात्कृत हुनुपर्ने अवस्था समग्र देशवासीका लागि दुखद् भएको टिप्पणी गरिन् । उनले कानुनसँगै यौनजन्य घटनाप्रति हाम्रो सामाजिक क्रियाकलापलाई परिवर्तन गर्नुपर्नेमा जोड दिइन् । उनले यौनजन्य शिक्षा र जनचेतनाका कार्यक्रमहरुलाई गाउँगाउँसम्म पुर्‍याउन आग्रह समेत गरिन् । ‘यौनजन्य शिक्षा र जनचेतनाको कमीले पनि यस्ता घटनाहरु बढ्दै गएका छन् । युवा पुस्तालाई सानै उमेरमा यसबारे सावधान गराउन जरुरी बनेको छ’ उनले भनिन् ।

प्रकाशित : भाद्र १२, २०७५ १५:४०
प्रतिक्रिया
पठाउनुहोस्

म्यानमारका राष्ट्रपति काठमाडौंमा

तस्बिर : अंगद ढकाल

काठमाडौँ — म्यानमारका राष्ट्रपति विन मिन्ट काठमाडौं आइपुगेका छन् । राष्ट्रपति मिन्ट बहुपक्षीय प्राविधिक तथा आर्थिक सहयोगका लागि बंगाल खाडीको प्रयास (बिमस्टेक) सम्मेलनमा भाग लिनका लागि मंगलबार अपराह्न काठमाडौं आइपुगेका हुन् । उनलाई स्वागत गर्न उपप्रधान तथा रक्षामन्त्री ईश्वर पोखरेल विमानस्थल पुगेका थिए ।

उनी सम्मेलन सुरु हुनु दुई दिनअगावै यहाँ आएका हुन्। बिमस्टेक सम्मेलन बिहीबार सुरु हुँदैछ। सम्मेलनमा बंगलादेश, भारत, श्रीलंका, थाइल्यान्ड, म्यानमार, भुटानलगायतका राष्ट्रप्रमुखहरुले भाग लिनेछन्।

म्यानमारका राष्ट्रपति मिन्टले १४ गते राष्ट्रपति विद्या भण्डारीसँग भेटवार्ता गर्नेछन् भने १६ गते लुम्बिनी भ्रमणमा जाने कार्यक्रम रहेको परराष्ट्र मन्त्रालयले जनाएको छ।

सन् १९९७ मा स्थापना भएको बिमस्टेकको चार वर्षअघिबाट नेपाल अध्यक्ष राष्ट्र हो। बिमस्टेकको पहिलो सम्मेलन थाइल्यान्डमा सन् २००४ मा भएको थियो। दोस्रो भारतमा सन् २००८ मा भएको थियो। तेस्रो शिखर सम्मेलन ६ वर्षपछि सन् २०१४ मा म्यानमारमा भएको थियो। त्यसपछिको अध्यक्ष नेपाल हो। कार्यतालिकाअनुसार नेपालमा चौथो सम्मेलन नेपालले गर्न लागेको हो।

प्रकाशित : भाद्र १२, २०७५ १५:२२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT