मेलम्ची खानेपानी आयोजना तोकिएकै समयमै सकाउन निर्देशन 

कान्तिपुर संवाददाता

काठमाडौँ — संसदको विकास समितिले मेलम्ची मेलम्ची खानेपानी आयोजनाले निर्धारण गरिएको समयमै काम सकाउन निर्देशन दिएको छ ।

आयोजनाले विभिन्न कारण देखाउदै यसअघि चार पटक म्याद थपेर पुरा गर्ने समय थप गरेपछि समितिले अब निर्धारित समयमै सकाउन निर्देशन दिएको हो । आयोजनाले आउँदो फागुनभित्र काठमाडौं उपत्यकावासीलाई पानी वितरण गर्ने घोषणा गरेको छ ।

Yamaha

हेडवक्र्स, सुरुङभित्रको फिनिसिङको कार्य अझै बाँकी छ । निर्माण व्यवसायीको सुस्त कार्यसम्पादन र कमजोर व्यवस्थापनलाई तत्काल सम्बोधन गरी तोकिएकै समयका पुरा गर्न समितिले खानेपानी मन्त्रालयलाई मंगलबार बसेको बैठकले निर्देशन दिएको हो ।

‘तिथि मिति बारम्बार परिवर्तन हुने (सरेको सरै गर्ने) कार्यबाट सम्बन्धित निकायको विश्वसनीयता एवम् कार्यसम्पादन प्रति गम्भीर प्रश्न उठ्न पुगेको देखिन्छ,’निर्देशनमा भनिएको छ,‘पूर्वनिर्धारित समयभित्रै आयोजना सम्पन्न गरी पानी वितरणको व्यवस्थापन गर्न गराउन समिति खानेपानी मन्त्रालयलाई निर्देश गर्दछ ।’ समितिको बैठकमा खानेपानी मन्त्रालयबाट सम्पादित कार्यहरु, भावी कार्ययोजना, कार्यान्वयनका क्रममा देखिएका समस्या र चुनौतीका बारेमा छलफल भएको थियो ।
मेलम्चीको पानी काठमाडौं ल्याइसकेपछि ढलको व्यवस्थापन कसरी हुन्छ ? भन्ने योजना पेश गर्न समेत समितिले मन्त्रालयलाई निर्देशन दिएको छ । अहिले भएका ढल प्रणालीको क्षमताले पानी आइसकेपछि व्यवस्थापन गर्ने क्षमता राख्ने वा नराख्ने अध्ययन नभएको भन्दै ढलको क्षमता लगायत कार्ययोजना पेश गर्न समितिले भनिएको छ ।

‘कतिपय विज्ञहरुले मेलम्चीको पानीको प्राप्तिपछि काठमाडौंको पानीको ढल अस्तव्यस्त हुने प्रारम्भिक अनुमान गरेको छ,,’समितिको निर्देशनमा भनिएको छ, ‘यस विषयमा गरेका कार्यहरु, वर्तमान ढलको क्षमता लगायत मन्त्रालयको वार्षिक कार्यक्रम एवम् दिर्घकालीन कार्ययोजना सम्बन्धी जानकारी यस समितिलाई १५ दिन भित्र उपलब्ध निर्देश गर्दछ ।’

काठमाडौं उपत्यकामा वितरण गरिने खानेपानी पिउन योग्य नभएको गुनासो छ । संविधानको धारा ३५(४) मा स्वच्छ खानेपानीलाई मौलिक हकको रुपमा राखिएको छ । समितिले काठमाडौं उपत्यकाका धारामा आउने पानी गुणस्तरहीन भएको आरोप लगाएको छ ।

‘गुणस्तरहीन भएकोमा कुनै दुविधा छैन,’समितिको निर्देशनमा भनिएको छ,‘तसर्थ, स्वच्छ पिउनयोग्य पानी भनी मापदण्ड निर्धारण गर्न वा नेपाल गुणस्तर चिन्ह प्राप्त गर्ने व्यवस्था मिलाउन निर्देश गर्दछ ।’

काठमाडौं मेलम्ची खानेपानी प्रणालीमा एङग्री र लार्के खोलाबाट थप १८ करोड लिटर पानी थप गर्ने डीपीआरलाई प्राथमिकता दिन पनि पनि समितिले निर्देशन दिएको छ ।

Esewa Pasal

प्रकाशित : भाद्र १२, २०७५ १६:३८
प्रतिक्रिया
पठाउनुहोस्
ADVERTISEMENT

११ दिने शिशुको शव फेला

हरिराम उप्रेती

गोरखा — सिरानचोक गाउँपालिका २ थालाजुङ खमारेमा पाँच दिनदेखि हराएको भनिएकी ११ दिने शिशुको शव फेला परेको छ । मंगलबार घरभन्दा तीन सय मिटर पर खाल्डोमा गाडेको अवस्थामा शिशुको शव भेटिएको प्रहरीले जनाएको छ । शिशुकी आमा १७ वर्षीय रस्मी गुरुङ भण्डारीले हत्या गरेको आशंका गरिएको छ । 


भदौ ८ गते रातको १२ बजे बच्चा हराएको भन्दै टेलिफोनबाट उजुरी प्राप्त भएपछि प्रहरीले अनुसन्धान थालेको थियो। घटना थप रहस्यमय बन्दै गएपछि रस्मी पक्राउ परेकी थिइन्। ‘रस्मीलाई पक्राउ गरेर अनुसन्धान गर्दा हत्या गरेको स्वीकारिन्,’ एसपी विमल बस्नेतले भने, ‘मंगलबार रस्मीको बयानअनुसार हामीले घर नजिकैको बारीमा गएर हेर्दा बोराले बेरेको अवस्थामा खाल्डोभित्र शव भेट्यौँ।’

रस्मीले एक वर्षअघि गाउँकै १९ वर्षिय सवल भण्डारीसँग अन्तरजातीय विवाह गरेकी थिइन्। छोरीले अन्तरजातीय विवाह गरेकोमा रस्मीमा माइती पक्ष असन्तुष्ट थिए। छोरीलाई छुटाउन प्रयास भइरहेको अवस्थामा घटना भएको बुझेको प्रहरीले अनुसन्धानका लागि रस्मीकी आमा सरिता गुरुङलाई पनि नियन्त्रणमा लिएर अनुसन्धान थालेको जनाएको छ।

प्रकाशित : भाद्र १२, २०७५ १६:२६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT