भारतीय जंगलमा एक नेपालीको हत्या, अझै दुई बेपत्ता 

कमल पन्थी

बर्दिया — भारत गएका चार मध्ये एक नेपाली नागरिकको कतरनीयाघाट वन्यजन्तु आरक्षको सुगौली थाना नजिक विहीवार वेलुकी शव फेला परेको छ । 

प्रहरी उपरीक्षक सुरेन्द्र मैनालीका अनुसार भारत कतरनीयाघाट वन्यजन्तु आरक्षको सुगौली थाना नजिक बैरीखल्ला जंगलमा राजापुर नपा–१० का हाउजे भन्ने ईन्द्र बहादुर थारुको शव भेटिएको हो ।

Yamaha

सुगौली थाना नजिक मृत अवस्थामा फेला परेको थारुको हत्याको आशंका गरिएको छ । थारुको शव क्षतविच्छेद अवस्थामा फेला परेको हो छ । ईलाका प्रहरी कार्यालय, राजापुरबाट खटिएको प्रहरी टोली र मृतकका आफ्न्तले शव पहिचान गरेको हो । परिवारका सदस्यले माछा गर्न गएको प्रहरीलाई जानकारी गराएका छन् ।

चारैजना जंगलमा चोरी शिकारका लागि गएको अनुसन्धानमा देखिएको प्रहरीले जनाएको छ ।

थारुको शव परीक्षणका लागि बहराईच जिल्ला अस्पताल लगिएको छ । उनको हत्या भएको आशंका स्थानीयले गरेका छन् । हत्या कसले गर्‍यो थाहा हुन सकेको छैन । शव परीक्षण पछि घटनाको जानकारी बाहिर आउने छ । प्रहरी उपरीक्षक मैनालीले अनुसन्धान भई रहेको जनाकारी दिए । पॉच दिन अघि चार मध्ये एक राजापुर—१० का गोपाल चन्द गोलीका छर्रा लागेर घाइते भइ घर फर्केका थिए । अन्य तीन जना मध्ये थारुको शव फेला परेको हो ।

सोही ठाउँका वीरेन्द्र बहादुर शाह र बालकृष्ण चौधरी एघार दिनदेखि वेपत्ता छन् । उनीहरुको खोजी गरिदिन आफ्न्तले प्रहरीसंग अनुरोध गरेका छन् । उनीहरु सीमावर्ती कतरनीयाघाट वन्यजन्तु आरक्षको जंगलबाट सम्पर्क विहीन भएका थिए । शाह र चौधरीको अवस्था अज्ञात भएकाले घटना बारे अनुसन्धान गर्न समस्या भएको प्रहरीको भनाई रहेको छ ।

चौपाया खोज्न गएको भनिएका बर्दिया राजापुर—१० का ४२ वर्षीय चन्दसंग घटना बारे प्रहरीले सोधपुछ गरिरहेको छ । प्रहरीका अनुसार चन्द कान सुन्दैनन् । गोलीका छर्रा लागि घाईते भएका चन्द नेपालगन्जस्थित नर्सिङ होममा उपचारपछि घर फर्केका थिए । घटनास्थल सदरमुकाम गुलरीयादेखि करिब ३५ किमि पश्चिम–दक्षिणमा पर्दछ । शाह र चौधरीको खोजी गर्न नेपाल र भारतीय सुरक्षाकर्मी खटिएको मैनालीले बताए ।

Esewa Pasal

प्रकाशित : भाद्र १५, २०७५ १०:३७
ADVERTISEMENT
प्रतिक्रिया
पठाउनुहोस्
ADVERTISEMENT

बिमस्टेक सम्मेलन : सोल्टी 'रिट्रिट'का केही तस्बिरहरु

तस्बिर : हेमन्त श्रेष्ठ

काठमाडौँ — बिमस्टेक सम्मेलनमा सहभागी राष्ट्र तथा सरकार प्रमुखलाई सोल्टी होटलमा 'रिट्रिट' दिइएको छ । नेपाल सरकारको आयोजनामा शुक्रबार बिहान सम्मेलनस्थल सोल्टीमा रिट्रिट दिइएको हो । रिट्रिटमा सातै देशका राष्ट्र तथा सरकार प्रमुखको सहभागिता रहेको छ ।


प्रकाशित : भाद्र १५, २०७५ १०:३३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT