मोदीलाई लुम्बिनी भ्रमणको निम्तो

बिमस्टेकको मुख्य सहकार्यको विषयमा बुद्ध सर्किटलाई पनि राख्नुपर्ने जोड दिँदै आएको नेपालले लुम्बिनीको प्रवद्र्धनमा काठमाडौं सम्मेलनलाई अवसरका रूपमा उपयोग गरेको छ । सरकारले अतिथि सत्कारका लागि राजधानीका ठाउँठाउँमा बनाएको द्वारमा पनि लुम्बिनीको देशमा स्वागत छ भनी लेखिएको थियो भने उद्घाटन भाषणका बेलामा पनि ओलीले त्यही भनेका थिए ।

जवाफमा मोदीले पनि निमन्त्रणाका लागि धन्यवाद दिँदै नेपाल र भारतलाई ऐतिहासिक रूपमै धर्म र संस्कृतिले अटुट रूपमा जोडेको बताएका थिए । मोदी र ओलीले नेपाल–भारत सम्बन्धका विविध पाटाहरूको समीक्षा गरी आउने दिनमा अझै प्रगाढ सम्बन्ध विकास गर्ने प्रतिबद्धता जनाएको भारतीय दूतावासले जनाएको छ । त्यसैक्रममा ओलीले उनलाई भ्रमणको निम्तो दिएका हुन् ।