प्रस्तावित प्रधानन्यायाधीश मिश्रको संसदीय सुनुवाइ भदौ २५ गते

मकर श्रेष्ठ

काठमाडौँ — संवैधानिक परिषदले प्रधानन्यायाधीशका लागि प्रस्ताव गरेका सर्वोच्चका कामु प्रधानन्यायाधीश ओमप्रकाश मिश्रको संसदीय सुनुवाइ भदौ २५ हुने भएको छ ।

प्रतिनिधिसभाको सार्वजनिक सुनुवाई समितिका जेष्ठ सदस्य लक्ष्मणलाल कर्णको अध्यक्षतामा शुक्रबार बसेको बैठकले मिश्रविरुद्ध परेका उजुरीहरु खोलेर हेरेपछि भदौ २४ गते उजुरीकर्तासँग छलफल गर्ने र २५ गते सुनुवाई गर्ने मिति तय गरेको छ ।

Yamaha

कामु प्रधानन्यायाधीश मिश्र विरुद्ध विभिन्न व्यक्तिहरुले ५ आरोप लगाउँदै चारवटा उजुरी हालेका छन् । जसमध्ये गम्भिर आरोप लगाइएको एउटा उजुरी भने उजुरीकर्ताले फिर्ता लिएको जानकारी गराइएको छ ।

उनी माथि त्रिभुवन विश्वविद्यालयको गणित विषयको उपप्राध्यापक नियुक्तिको क्रममा लिइको परिक्षाको प्रश्नपत्र आउट गर्ने नन्दकिशोर पुनलाई छुट दिएको, पत्नी हत्याको आरोपमा सजाय काटिरहेका सशस्त्र प्रहरीका पूर्व डिआईजी रञ्जन कोइरालाको मुद्दामा घुस लिएर झगडीया झिकाउने आदेश दिएको र आफ्नो नातेदारलाई जिताएको, कालिकोटमा अभियुक्तलाई सफाई दिएको, एनसेल र सूर्य नेपालको राजश्व तथा कर छलीको मुद्दामा सहयोग गरेको तथा काठमाडौं जिल्ला अदालतको न्यायाधीश रहँदा वैदेशिक न्यायाधिकरणले पीडितलाई १० लाख ५ हजार क्षतिपूर्ति दिने निर्णयलाई उल्टाएर क्षतिपूर्तिको रकम घटाएर ४ लाख ९० हजार कायम गरी बिचको रकम घुस खाएको आरोप लगाइएका छन् ।

यस्तै ललितपुरको सैंबु १ ‘ग’ कित्ता नम्बर ५ को ८ आना २ पैसा र कित्ता नम्बर ६ को ९ आना २ पैसा जग्गा २४ वर्षदेखि रोक्का रहेकोमा २०७३ असारमा फुक्का गर्न र उक्त जग्गा सार्वजनिक हो या होइन भन्ने ३ महिना भित्र टुंग्याउन आदेश दिएको भनि दिएको उजुरी भने उजुरीकर्ताले फिर्ता लिएका छन् ।

संवैधानिक परिषदले प्रधानन्यायाधीशका लागि सिफारिस गरेसँगै संसदीय समितिले भदौ १० गतेदेखि २० गतेसम्म समय दिएर उनी विरुद्ध उजुरी गर्न सयम तोकेको थियो ।

प्रकाशित : भाद्र २२, २०७५ १४:१८
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

चरा ठोकिएपछि निगमको एयरबस ग्राउन्डेड 

सुरज कुँवर

काठमाडौँ — मलेसियाको राजधानी क्वालालामपुरबाट १ सय ५८ यात्रु बोकेर आइपुगेको नेपाल वायु सेवा निगमको एयरबस ३२० (नाइनएन–एकेडब्लु) जहाजमा बिहीबार राति अवतरणका क्रममा चरा ठोकिएपछि ग्राउण्डेड भएको छ ।

नेपाली नाम ‘सगरमाथा’ दिइएको उक्त न्यरोबडी जहाज काठमाडौं उत्रिए लगत्तै दुबई जानुपर्ने तालिका रहेको थियो। तर, उक्त जहाज राति मर्मत गरी उडाउन नसकिने भएपछि १ सय ४३ जना यात्रुहरुलाई शुक्रबार अर्को विमानमा उडाउने तयारी भइरहेको निगमको एक अधिकारीले बताए।

दुबईकालागी राति नै अर्को विमान उडान गर्न नसकेपछि निगमले यात्रुहरुलाई गौशाला आसपासका काबेली, कल्पवृक्ष र राजस्थान नामका तीनवटा होटलमा राखेको थियो।

‘जहाजको बायाँ पखेटाको एयरफ्रेममा चरा ठोकिएको रहेछ,’ स्रोतले भन्यो, ‘पाइलटहरुले थाहै पाएनछन्।’ उक्त विमानका कमाण्डर विजय लामा थिए भने कोपाइलटमा अरविन्द पहाडी र अनुप मानन्धर थिए। ती कर्मचारीका अनुसार, जहाज पार्किङकाबेला इन्जिनियरहरुले निरीक्षण (पोष्ट ल्याण्डिङ्ग चेक) गर्दा पखेटामा प्वाल देखेका थिए। यो विमान साढे ८ बजे काठमाडौंमा अवतरण भएको थियो।

निगमले ०७१ माघमा सगरमाथा र ०७२ बैसाख लुम्बिनी नामका दुईटा न्यरोबडी विमान ल्याएको थियो। हाल निगमसग थप दुईटा वाइडबडी विमान पनि थपिएका छन्। अन्तर्राष्ट्रिय उडानमा एउटा बोइङसहित निगमसँग ५ वटा विमान छन्। यीनले भारत, मलेसिया, थाइल्याण्ड, हङ्गकङ्ग, कतार र दुवईका आठ गन्तव्यमा उडान भर्दै आएका छन्।

यसैबिच निगमका महाप्रबन्धक सुगतरत्न कशांकारले एयरबससँग छलफल गरी बिहीबार राती ग्राउन्डेड भएको विमान मर्मत गरेरमात्रै उडाउनुपर्ने भएकाले यो विमान केहिदिन ग्राउन्डेड हुने बताएका छन्।

निगमको विमान ग्राउन्डेड भएका केही घटनाहरु
निगमसँग भएका दुईटा एयरबस न्यरोबडी विमानमध्ये काठमाडौंमा चरासँग ठोकिएर जहाज ग्राउन्डेड भएको यो दोस्रो घटना हो। यसअघि ०७३ असारमा निगमको ‘लुम्बिनी’ नाम दिइएको न्यारोबडी विमानमा चरा ठोक्किँदा ११ दिन काठमाडौंमै ग्राउन्डेड हुन पुगेको थियो।

क्याप्टेनद्वय रविन्द्रपुरुष ढकाल र प्रदीप राजभण्डारीले हङकङकालागी उडाउन लाग्दा भएको उक्त घटनामपछि मर्मत गर्न कम्तीमा एक करोड खर्च लागेको थियो। विमान मर्मत गर्न एयरबसले आफ्ना इन्जिनियर काठमाडौं पठाएको थियो।

चरासँग ठोकिएको एक महिनापछि उक्त न्यरोबडी विमानको दिल्लीबाट काठमाडौं आउँदा धावनमार्गमा पांग्रा ब्रस्ट भएको थियो। क्याप्टेन विजय लामाले कमाण्ड गरेको विमानले टचडाउनपछिको रोल गरिरहेको बेला पछाडिको बाया पांग्रा ब्रस्ट भएको देखिएपछि विमानस्थलको टावरमा रहेका एयर ट्राफिक कन्ट्रोलरले पाइलटलाई सावधान गराउँदै विमान रोकाएका थिए।

त्यसदिन एक घन्टा विमानस्थल बन्द गर्नुपरेको थियो भने एक दर्जन उडान डाइर्भट भएका थिए। यात्रुलाई पार्किङवेमा नल्याई टेयाक्सीवेमै ओर्लानु परेको थियो।

यसअघि ०७२ असोजमा हङकङबाट काठमाडौंकालागी तय भएको उडानमा क्याटरीङको गाडीले निगमको एयरबसको पछाडीको भागमा ठोकेर प्वाल पारिदिएपछि यो विमान हङकङमा एक साता ग्राउन्डेड भएको थियो।

यात्रु बोर्डिङ गराउनेक्रममा भएको उक्त घटना इन्जिनियरले निरीक्षण (प्रि–टेकअफ इन्सपेक्सन) का क्रममा पत्ता लगाएपछि थाहा पाइएको थियो। निगमका अनुसार, इन्जिनियरले बेलैमा जानकारी नगराएको भए ठुलो दुर्घटना हुनसक्थ्यो। उक्त उडानमा क्याप्टेन विजय लामा नै थिए भने लुम्बिनी नामकै विमानमा यो घटना भएको थियो।

क्याप्टेन लामाले ०७३ कार्तिकमा इन्जिनको काउलिङ्गमा रहने रिर्भसर लक नझिकेरै काठमाडौंबाट दुवईको उडान गरेका थिए। ‘क्याप्टेन लामाले पनि भेउ नै पाएन छन्। उताका विदेशी इन्निनियरले अटोम्यासेज हेरेर थाहा पाएपछी लक झिकियो,’ निगमका एक अधिकारीले भने, ‘यदी काठमाडौं जस्तो सानो धावनमार्ग भइदिएको भए दुर्घटना हुनसक्थ्यो।’ यसमा इन्जिनियरको पनि कमजोरी देखिन्छ।


बिहीबार चरासँग ठोक्किएको विमानमा तीनपटक इन्जिनमा गम्भीर समस्या ब्यहोर्दै कम्तीमा एक सातादेखी दुई महिनासम्म ग्राउन्डेड हुँदै आएको निगमको दोस्रो न्यारोबडी विमान सगरमाथा हो।

निगमका अनुसार, यही विमानको इन्जिनमा समस्या देखिएपछि साउनमा कतारको राजधानी दोहामा करिब दुई साता ग्राउन्डेड भएको थियो। उक्त उडानमा क्याप्टेन गौतम बेनर्जी र कोपाइलट अरविन्द पहाडी थिए।

त्यसअघि जेठमा क्याप्टेन नरबहादुर विश्वकर्मा र कोपाइलट अरविन्द पहाडीले नै दिल्लीकालागी गरेको उडानमा विमानको कम्प्रेसर भेनमा समस्या देखिएपछि एक साता त्यहाँ ग्राउन्डेड भएको थियो।

सबैभन्दा धेरै यो विमान भारतमा दुई महिना थन्किएको थियो। क्याप्टेन श्रवण रिजालले कमाण्ड गरेको विमानको इन्जिन अन्र्तगत टरबाइन कम्प्रेसर तथा भेनमै समस्या आएपछि गत वर्ष (०७४–पुस) मा दिल्लीस्थित इन्दिरा गान्धी अन्तर्राष्ट्रिय विमानस्थलमा ग्राउन्डेड भएको थियो। यी घटनाको छानबिन गर्न पर्यटन मन्त्रालयले सहसचिव सुरेश आचार्यलाई तोकेको थियो। तर, उनको समितिले अहिलेसम्म प्रतिवेदन सार्वजनिक गरेकै छैन।

सगरमाथा नामको यो विमानमा देखिएका यी प्राविधिक घटनाअघि सबैभन्दा पहिले ०७३ भदौं २६ गते आफ्नै टायरबाट उप्किएको चोक्टा उछिट्टीएर पखेटामा हुने फ्ल्याप र अन्य सेन्सर सिस्टम ड्यामेज भएपछि क्याप्टेन सुवर्ण अवालेले काठमाडौंकालागी उडेको २५ मिनेटमै दिल्ली विमानस्थलमा आकस्मिक अवतरण गराएका थिए।

प्रकाशित : भाद्र २२, २०७५ १३:२७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT