सातै प्रदेशका सम्पर्क कार्यालय खोल्न सुझाव

‘संघ र प्रदेश सरकारबीच समन्वयको खाँचो टड्कारो देखिएको छ,’ समितिको सुझावमा छ, ‘दुवै तहका सरकारबीच समन्वय गर्न संघमा सबै प्रदेश सरकारको सम्पर्क कार्यालय स्थापना गर्न आवश्यक छ ।’

समितिले प्रदेश सरकारहरूले आवश्यक कर्मचारी, कानुन र भौतिक पूर्वाधार अभावको समस्या झेलिरहेको र त्यसलाई समाधान गर्न केन्द्रले तत्काल आवश्यक कदम चाल्नुपर्ने सुझावसमेत दिएको छ । समितिले मुख्यसचिव लोकदर्शन रेग्मीलाई सुझाव प्रतिवेदन बुझाइसकेको छ । समितिले कतिपय प्रदेशका मन्त्रालयहरूको नाम पुन:संरचना गर्नुपर्ने सुझावसमेत दिएको छ ।