निर्मलाका लागि न्याय माग्दै राजधानीमा प्रदर्शन
काठमाडौँ — बलात्कारपछि हत्या गरिएकी निर्मला पन्तको हत्यारा पत्ता लगाउन माग राख्दै शनिबार राजधानीमा प्रदर्शन गरिएको छ । निर्मलाका लागि न्याय अभियानकाे अगुवाईमा भएको प्रदर्शनमा पन्तको बलात्कारी र हत्यारालाई कारबाही गर्न माग राख्दै सहभागीहरुले सरकारको आलोचना गर्दै नाराबाजी गरेका छन् ।
प्रदर्शनमा सहभागीहरुले विभिन्न नारा लेखिएका प्ले कार्ड बोकेका थिए । माइतीघर मण्डलाबाट सुरु भएको प्रदर्शन बानेश्वरमा पुगेर कोणसभामा परिणत भएको थियो । प्रदर्शनमा डाक्टर गोविन्द केसी लगायतका स्वतन्त्र व्यक्तिहरुको सहभागिता रहेको थियो ।
प्रतिक्रिया
