प्रधानाध्यापकविरुद्ध भ्रष्टाचार मुद्दा
काठमाडौँ — अख्तियार दुरुपयोग अनुसन्धान आयोगले रूपन्देहीको युगज्योति माध्यमिक विद्यालय, देवदहका प्रधानाध्यापक शिवप्रसाद ढुंगानाविरुद्ध आइतबार विशेष अदालतमा भ्रष्टाचार मुद्दा दायर गरेको छ ।
ढुंगानाले माध्यमिक शिक्षा परिषद्, उत्तर प्रदेश भारतको इन्टरमिडियट तहको नक्कली शैक्षिक योग्यताको प्रमाणपत्र पेस गरी सरकारी शिक्षक पदमा नियुक्ति लिएको र उक्त कार्य भ्रष्टाचार निवारण ऐनअनुसारको कसुर भएको आयोगले जनाएको छ ।
आरोपपत्रमा ढुंगानामाथि कानुनविपरीत लिएको सरकारी तलबसुविधा बराबरको रकम जरिवाना तिराउन र एक वर्ष जेल सजाय गर्न मागदाबी गरिएको छ।
प्रकाशित : कार्तिक १८, २०७५ २०:३६प्रतिक्रिया
