विदेश भाग्दैमा उन्मुक्ति ?
काठमाडौँ — अपराध गरेर देशको सीमाबाहिर भागेको अवस्थामा पनि इन्टरपोलको समन्वयमा सम्बन्धित देशको सरकारसँग तालमेल गरेर अभियुक्तलाई देशमा ल्याएर सजाय भोग्न लगाउने कानुन बन्यो भन्ने समाचार आएको थियो । अदालतले दोषी भनेर सजाय सुनाएका र प्रहरीले खोजी गरिरहेको भनेका केही अपराधी अमेरिकामा बसिरहेका छन् । उनीहरूलाई अब हामीलाई कसले के गर्न सक्छ भन्ने ठूलो अहम् छ ।
उनीहरू अमेरिका आउँदा प्रहरीले कसरी आचरण प्रमाणपत्र दियो ? अर्को, उनीहरू विमानस्थलबाट कसरी बाहिरिए ? एक पटक देशबाट भागेपछि जस्तोसुकै अपराधकर्मबाट पनि मुक्ति पाइने हो भने अपराध गर्ने र भाग्नेहरूको संख्या वृद्धि हुन सक्छ । त्यसैले विदेश पलायन भएका यस्ता अपराधीलाई कसरी देशमा ल्याएर सजाय भुक्तान गराउने र पीडित पक्षलाई न्याय दिने भन्ने विषयमा सरकारको के नीति छ ?
– नवीन रायमाझी
हाल : अमेरिका