लागूऔषधको लत

कान्तिपुर संवाददाता

काठमाडौँ — लागूऔषध नेपाली समाजमा ठूलो समस्या बनेको छ । खराब संगतले सजिलै लागूऔषधमा फँसे पनि त्यसको लतबाट उम्कन असम्भवप्राय: छ । यसको लत हटे पनि पुन: त्यसैमा फर्कने सम्भावना बढी हुन्छ ।

लागूऔषधको लत छुटाउने एक प्रभावकारी उपाय सुधार केन्द्रमा राख्नु हो । तीन–चार महिना सुधार केन्द्रमा बसेर फर्केका पनि आधाजसो पुन: दुव्र्यसनमै फर्कने गरेको देखिन्छ । अभिभावकले आफ्नो सन्तानको दिनचर्या ख्याल नगर्दा अधिकांश किशोर–किशोरी लागूऔषधको लतमा पँmसिरहेका छन् । लागूऔषधको लत यति खराब हुन्छ कि त्यसमा फँसेको मानिस डोज प्राप्तिका लागि जे पनि गर्न तयार हुन्छ । लागूऔषध समस्याको समाधानका लागि व्यक्ति, परिवार, समाज, राज्य सबै जुट्नुपर्छ । अभिभावकले आफ्नो सन्तानको हरेक क्रियाकलाप निगरानी राख्ने हो भने लागूऔषध दुव्र्यसन धेरै हदसम्म नियन्त्रण हुन्छ ।
– बद्री सिवाकोटी
सुनखानी, दोलखा

प्रकाशित : श्रावण १, २०७५ १०:२७
ADVERTISEMENT
प्रतिक्रिया
पठाउनुहोस्

मध्यस्थकर्ता कांग्रेस

कान्तिपुर संवाददाता

काठमाडौँ — १. कांग्रेसले आफू सरकारमा रहँदा शिक्षा तथा स्वास्थ्यमा निजीकरण ऐन ल्याएको र उसैका पालामा पूर्वाधार नपुर्‍याइ सम्बन्धन दिएको हुँदा पानीमाथिको ओभानो नभई उसले आफ्नो खारिएको अनुभवलाई उपयोग गरी मिलनविन्दु खोज्न अग्रसरता देखाउनुुपर्छ ।


२. बौद्धिक समुदायले पनि डा. केसीसित सती जाने सोच राख्नुहुन्न भने डा. केसीले पनि हठ छाडी अहिलेसम्म सम्बन्धन दिइएका र अब दिनुपर्ने सम्बन्धनका आवश्यक मापदण्ड परिपालना गर्न भूमिका खेल्नुपर्छ ।
३. राज्य हाँक्नेहरूले पनि व्यक्तिले गरेको अनशनका बलमा संसद् र सरकार पछि नहट्ने जस्ता अभिव्यक्ति दिनु हुन्न। अब के गर्दा ५० औं दशकसम्म काम लाग्ने शिक्षा नीति बनाउन सकिन्छ भनी विज्ञहरूसँग परामर्श गर्नुपर्छ ।
४. १० वर्ष नयाँ कलेजले थप सम्बन्धन नपाउँदा विगतमा सम्बन्धन पाएका कलेजहरूले सिर्जना गरेको सिन्डिकेट अकल्पनीय हुने र यहाँ नपाए विदेश जाने लहरतिर पनि ध्यान पुर्‍याउनु जरुरी छ साथै राज्यले खर्च गरी पढाएका जनशक्तिलाई दुर्गम र पिछडिएका क्षेत्रमा कम्तीमा ५ वर्षसम्म सेवा गर्न पठाउने नीतिलाई बदलेर २ वर्षमात्रै गर्ने केसीको अडान उचित छैन ।
५. एउटा विश्वविद्यालयले ५ भन्दा बढी सम्बन्धज दिन नपाइने भन्ने नीति घातक छ ।
६. चाहे ओली, प्रचण्ड, देउवा हुन् वा डा. केसी कसैलाई पनि देवत्वकरण नगरी सबैले तथ्यमै आधारित रही कर्म गर्नु अपेक्षित छ ।
७. सरकारले पूर्वाधार नपुगेका कलेजलाई पुगेको भनी सिफारिस गरी ककसले राज्यमाथि घात गरे त्यस्तालाई कारबाही गर्नुपर्छ । तिनै हुन्, विकृति ल्याउने जड, जुन विकृतिको शृङ्खला अद्यापि छ भन्ने पुष्टि विराटनगरको एक मेडिकल कलेजको बिरामी बेड संख्याबारे दिइएको फर्जी सिफारिसबाट सहजै खुल्छ ।
८. निकासका निम्ति सरकार पनि डा. केसीका मागप्रति लचिलो बन्ने र केसी पक्ष पनि मिलनविन्दुमा आई
सार्वभौम संसद्माथि विश्वास गरी समाधान निकाल्नु उपयुक्त हुन सक्छ ।
– धनपति कोइराला
कावासोती, नवलपुर

प्रकाशित : श्रावण १, २०७५ १०:२७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT