जनप्रतिनिधिको जिम्मेवारी
काठमाडौँ — जनप्रतिनिधिमा दायित्वबोध नहुँदा नागरिकमा निराशा बढ्दै गएको छ । स्थानीय तह शक्तिशाली बन्दा घर–आँगनबाटै सेवा पाइने भो भनेर खुसी छाएको थियो । तर स्थानीय सरकार बनेको एक वर्षमा नागरिकलाई जथाभावी करको बोझ थपिएको छ ।
कोही जनप्रतिनिधिले धेरै बुझेर उत्पात व्यवहार देखाइरहेका छन्, कोही कुहिरोको कागजस्ता छन् । देशको भाग्य कोर्ने यो अवसर सदुपयोग गर्ने न योजना छ, नत जोश–जाँगर । सरकारले भन्ने गरेको समृद्घि यो काइदाले कहिल्यै आउँदैन । जनप्रतिनिधिमा जिम्मेवारीबोध हुनुपर्यो । त्यसपछि नागरिकलाई सेवासुविधा दिने कार्ययोजना चाहियो । उनीहरूमा लगनशीलता पनि जरुरी छ ।
– विदुषी पौड्याल
बुद्धशान्ति–५, झापा
प्रतिक्रिया