समस्याबाट भाग्ने होइन

कान्तिपुर संवाददाता

काठमाडौँ — प्रधानमन्त्री कार्यालयले सबै मुख्यमन्त्रीलाई निम्तो पठाएर भदौ २४ गते बोलाएको प्रदेश परिषद बैठक तयारी नपुगेको भनी स्थगन गरियो । मुख्यमन्त्रीहरू संलग्न हुने परिषद बैठक तयारी नपुगेको भनी सार्नु दुर्भाग्यपूर्ण हो ।

२०७४ चैतमा प्रदेश र संघको अधिकार सम्बन्धी विवादित बुँदामा प्रधानमन्त्रीको आश्वासन पूरा नभएकाले मुख्यमन्त्रीहरूको भदौ २१ र २२ गते पोखरामा भएको भेला र त्यसको निर्णय प्रधानमन्त्रीलाई मन नपर्दा प्रदेश परिषद सारिएको अड्कल गर्न सकिन्छ । समाधान आमने–सामने बसेर हुन्छ, नकि समस्याबाट भागेर । संघीयता लागू भइरहेकै बेला देखिएका विभिन्न समस्याको एकमात्र समाधानको बाटो वार्तालाप र बैठक नै हो । समाधान खोज्न उक्त परिषद एउटा महत्त्वपूर्ण साधन हुनसक्थ्यो ।
– महेन्द्रसिंह बम,टीकापुर–१, कैलाली

Yamaha

Esewa Pasal

प्रकाशित : भाद्र २७, २०७५ १०:५५
ADVERTISEMENT
प्रतिक्रिया
पठाउनुहोस्

नेतृत्व हत्याउने होडबाजी

कान्तिपुर संवाददाता

काठमाडौँ — कांग्रेसमा केही समय पहिले उमेर हदको विषयले चर्चा पाएको थियो । अहिले फेरि आगामी महाधिवेशनमा नेतृत्व कसले हत्याउने भनी संस्थापन र संस्थापन इतरका विभिन्न समूहका भेला तथा छलफल हुनथालेको छ । अब मूलकुरो आउँछ नेतृत्व र ऊसँग असहमत वा भावी दिनमा पद हात लगाउने पक्षको ।

यदि पार्टी सफल, सरकारमा रहेको तथा मुलुकका लागि पार्टीको जरुरत भएको भनी जनताले ‘हाइहाइ’ गरेको भए यस्ता चर्चाले खासै महत्त्व पाउने थिएन । विकासको कुरा छाडौं । समय अनुकूल पार्टीलाई परिचालित गरको पाइँदैन । बेलाबखत कुनै आन्दोलनको आवरणमा त्यसैलाई विरोधको प्रमुख एजेन्डा बनाउने बाहेक खासै गतिलो प्रस्तावना आउँदैन । मुलुक संघीयतामा गइसकेकपछि खै सोही अनुरुपको सांगठनिक स्वरुप ? पार्टीको अबको एजेन्डा के हुने ? हिजो हिन्दु राष्ट्र हटाउने अन्य दलको अभियानमा साक्षी बस्नाले कति नोक्सानी भयो ? महामन्त्री नखुलेर सो एजेन्डाको वकालत गर्छन्, न अब पार्टी पंक्ति नै यो सब सकियो भनेर जनतालाई अथ्र्याउन सक्छन् । संघीय तथा केन्द्रको चुनावमा कम्युनिष्ट पार्टीबीच कार्यगत एकता तथा मिलेर चुनाव लड्दा यता कांग्रेसका उम्मेदवार भनेका खल्तीबाट, कोठाबाट र ब्रिफकेसबाट छानिए । अब यी सब देखेर, चेतेर गाउँ, टोलदेखि केन्द्रसम्म प्रजातान्त्रिक तवरले नेतृत्व चयन हुनुपर्छ ।
– श्रीकृष्ण राजवंशी,सुनकोसी–३, सिन्धुली

प्रकाशित : भाद्र २७, २०७५ १०:५५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT