बालुवाटारमा निजी कार्यक्रम

मनमोहन अधिकारीका पालामा जनताको शासन आएको अनुुभूति भयो । त्यस बाहेकका सरकारका गतिला कार्य जनताले देख्न पाएनन् । केपी ओलीको पहिलो सरकारले जनतालाई सपना बाँडेको थियो । ओलीको दोस्रो सत्तारोहणपछि जनता आशावादी थिए । तर अहिले निराशा छाउन थालेको देखिन्छ ।

सरकारले कञ्चनपुरकी निर्मला पन्तको बलात्कारपछि हत्या गर्ने व्यक्ति लगाउनसकेको छैन । यसमा कमजोरी प्रहरीको भए पनि सबै दोष सरकारमा जाने हो । प्रधानमन्त्री निवासमा केही दिनअघि भएको ओली बन्धुको भेलाले जनतामा असन्तुष्टि बढाएको छ । सम्पूर्ण खर्च ओली बन्धुसँंग उठाइएको र प्रधानमन्त्रीको ब्यस्तता र असुरक्षाका कारण कार्यक्रम बालुवाटारमा गर्न बाध्य भएको आयोजकको भनाइ छ । प्रधानमन्त्रीले आइन्दा सरकारी कार्यालय तथा निवासमा यस्ता निजी स्तरका कार्यक्रम र भोजभतेर बन्द गर्ने नीति लिनुपर्छ ।
– पूर्ण ओली,चावहिल, काठमाडौं