गाडी रोक्दा सुविधा

दिनभर गाडी बन्द गरिएकाले मेला हेर्न आउनेलाई सुविधा भयो । प्रभावशाली ट्राफिक व्यवस्थाका लागि सम्बन्धित निकायलाई धन्यवाद दिनुपर्छ । आउँदो चैतमा दरबारमार्गमा आर्यावलोकितेश्वरको वार्षिक रथयात्रा हुँदैछ । रथयात्राको दिन पनि एक घन्टा मोटरगाडी रोकिदिए भक्तजनलाई यस्तै सुविधा हुन्छ । पहिले गाडीको ट्वाँंट्वांँ र टिंँटीँ हर्न बजिरहेको बीचमा जात्रा गर्नुपर्दा धेरै असुविधा भएको थियो । गाडीले आर्यावलोकितेश्वरको दर्शन गर्न आउने भक्तजनलाई असुविधा मात्र हुँदैन, सडक दुर्घटनाको जोखिम हुन्छ । रथयात्राको दिनमा एक घन्टा भए पनि गाडी रोकेर धार्मिक कार्यमा सहयोग गरियोस् ।
– केआर तुलाधर, काठमाडौं