पौने घण्टाको वर्षामा जे देखियो [फोटोफिचर]

शब्द/तस्बिर : सुरविन्द्रकुमार पुन

काठमाडौँ — करिब पौने २ बजे, राजधानीको भृकुटीमण्डपमा थापाथलीतर्फ जान गाडी पर्खिरहेको थिएँ । यसैबखत एक्कासी पानी पर्‍यो । केहीबेर अघिसम्म सामान्य देखिएका मान्छेको दैनिकी एक्कासी बिथोलियो । पैदल हिँड्दै गरेकाहरु कोही रुखमुनि त कोही प्रतीक्षालयमुनि ओत लिन तँछाडमछाड गर्न थाले ।

Esewa Pasal

प्रकाशित : श्रावण ४, २०७५ १९:०२

वर्षात्‌को सिजन भएकाले धेरैसँग छाता थियो । छाता भए तापनि हतारका बेला गाडीमा फुत्त छिर्नु पनि मुश्किलै थियो । छाता नभएकाहरु बरु सहजै गाडीमा छिरेका देखिन्थे । छाताले सबैलाई अल्मल्याइरहेको देखिन्थ्यो ।

Yamaha

दर्किएको पानीका कारण छाता, रेनकोट ओढेकाहरु पनि बाँकी रहेनन्, सबै रुझेका देखिन्थे । यो बेला दूधे बच्चा च्यापेर गाडी पर्खिरहेका महिलादेखि कलिला बालबालिका डोर्‍याएर घुम्न निस्केकाहरु निथ्रुक्क भिजे । पौने घण्टाको वर्षात्‌का बीच म प्रदर्शनीमार्ग हुँदै बागबजारतर्फ लागेँ । प्रदर्शनीमार्ग लाइन जाँदै गर्दा तीनजना दृष्टिविहीन एकअर्काका सहारा भई डेरातर्फ गइरहेका थिए । उनीहरुले बाटो बिराउँदा बीच–बीचमा पैदलयात्रुहरुले गाइडलाइन गरिरहेका थिए ।

बागबजार पुग्दा मुख्य गल्लीसँगै जोडिएको सहायक गल्लीमा घुँडा–घुँडासम्म छुने पानी जमेको थियो । गल्लीको वैकल्पिक बाटो नहुँदा स्थानीयहरु बाध्य भई भेलमा पाइला चाल्दै गरेका देखिन्थे । साउने झरीका बखत काठमाडौं उपत्यकाका बस्तीमा देखिने यस्ता दृश्य भने काठमाडौंवासीका लागि सामान्य जस्तै बन्न थालेको छ ।

ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

सडकमा सुतेर सदन, सरकार हल्लाउने काम भइरहेको छ : मुख्यमन्त्री पौडेल

नगेन्द्र अधिकारी

हेटौंडा — प्रदेश ३ का मुख्यमन्त्री डोरमणि पौडेलले अनशनरत डा. गोविन्द केसीलाई लक्षित गरी सडकमा सुतेर सरकार हल्लाउने काम भइरहेको आरोप लगाएका छन् ।

आदिवासी जनजाति पत्रकार महासंघको ३ नं प्रदेश भेलामा बोल्दै उनले सञ्चारमाध्ययम पनि त्यसैको पछि लागेको आरोप लगाए । ‘एउटा मान्छे सडकमा सुत्छ, सरकार र सभालाई हलाउँछ र मिडिया पनि त्यसैको पछि लाग्छ,’ उनले भने, ‘मिडियाले सरकारले गरेका राम्रा काम देख्दैदेखेन ।’ बिहान उठ्दा सकरात्मक खबर सुन्न र पढ्न नपाएको भन्दै उनले कहाँबाट यस्तो भइरहेको छ भन्ने खोज्नुपर्ने बेला आएको बताए ।

मुलुक समृद्धिको दायित्व सञ्चारमाध्ययमको पनि भएको उनले बताए । १० वर्षसम्म उपत्यकामा मेडिकल कलेज खोल्न नपाउने माग आफैंमा जायज नभएको भन्दै उनले विदेशी विद्यार्थीबाट आउने पैसा गुम्ने र पढ्नकै लागि विदेश जाने नेपालीको कारण रकम बाहिरिने तर्क गरे । एमबीबीएस हुने, खानेले पढ्ने विषय भएको तर्क गरेको उनले बिनाविश्लेषण आन्दोलन भएको दाबी समेत गरे ।


भूमि व्यवस्था, कृषि तथा सहकारी मन्त्री दावा दोर्जे लामाले कानुन बन्ने क्रममा रहेकाले पत्रकारका विषय पनि त्यसमा समेटिने आश्वासन दिए । प्रदेशसभा सदस्य कुमारी मोक्तान, जीवन डंगोल, फोनिजका अध्यक्ष डण्ड गुरुङ, ३ नं प्रदेश संयोजक समिर बलामीलगायतले आदिवासी जनजाति पत्रकारको हितको विषयमा चर्चा गरेका थिए ।

प्रकाशित : श्रावण ४, २०७५ १८:४०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT