राजधानीमा नाडा अटो सो

तस्बिर : इलिट जोशी

काठमाडौँ — राजधानीको भृकुटीमण्डपमा मंगलबारबाट नाडा अटो सो सुरु भएको छ । अर्थमन्त्री युवराज खतिवडाले अटो सोको उद्घाटन गरेका छन् ।

प्रकाशित : भाद्र २६, २०७५ १३:१२

प्रदर्शनीमा विभिन्न ब्राण्डका कार तथा मोटरसाइकलहरु राखिएको छ । अवलकाेनकर्ताहरुले अटो मोबाइल सम्बन्धि जानकारी लिनका लागि पनि अटो सो उपयुक्त हुने विश्वास गरिएको छ ।

यसपालीको नाडा अटो साे विद्युतीय सवारीमा केन्द्रित हुने नाडाका उपाध्यक्ष कृष्ण दुलालले बताए । ६ वटा ब्राण्डले आफ्ना विद्युतीय सवारी प्रदर्शनीमा राखिएका छन् । अटाे साेमा ७१ कम्पनीका १ सय ३४ स्टल राखिएका छन् । ती मध्ये १९ वटा चारपांग्रे, २० दुई पांग्रे सवारीका र ३४ स्टल भने सवारी साधनसँग सम्बन्धित स्पेयर पार्ट्स, लुब्रिकेन्ट्स र टायरलगायतका छन् ।

Yamaha

साेमा सडक सुरक्षासम्बन्धी चेतना जगाउने उद्देश्यले ट्राफिक प्रहरीले सञ्चालन गर्ने दुई वटा स्टल छन् । यातायात क्षेत्र नेपालमा सबैभन्दा बढी कर तिर्ने क्षेत्र पनि हो ।

अटाे साेकाे टिकट किनेका अवलोकनकर्ता मध्येबाट चिठ्ठामार्फत् हरेक दिन एउटा मोबाइल प्रदान गर्ने योजना उपाध्यक्ष दुलालले बताए ।

प्रतिक्रिया
पठाउनुहोस्
ADVERTISEMENT

छानबिन समितिका सदस्यले दिएकाे राजीनामा बारे छानबिन हुँदै : गृहमन्त्री

रासस

बनेपा — गृहमन्त्री रामबहादुर थापाले किशाेरी हत्याकाे अनुसन्धानका लागि गठित उच्चस्तरीय छानबिन समितिका सदस्यले दिएकाे राजीनाममा बारे छानबिन गरिरहेकाे बताएका छन् ।

काभ्रेको बनेपामा जिल्ला सहकारी संघलेम‌ंगलबार आयोजना गरेको ५१औ‌ं स्थापना दिवस तथा ३७ औं वार्षिक साधारणसभा कार्यक्रम पछिपत्रकारसँग कुराकानी गर्दै मन्त्री थापाले गृहमन्त्रालयको काम शान्ति सुरक्षा दिने भएकाले निर्मला पन्त हत्याको अनुसन्धानका लागि गठित उच्चस्तरीय छानबिन समितिका सदस्य वीरेन्द्रबहादुर केसीले दिएको राजीनामा बारे छानबिन गरिरहेको बताए।


मन्त्री थापाले राष्ट्रको आवश्यकता विकास र समृद्धि रहेको भन्दै विकास र समृद्धिको अभियानमा सहकारी संस्थाले गरेको क्रियाकलापले महत्वपूर्ण भूमिका पुर्‍याउने विश्वास व्यक्त गरे। 'विकास र सृमद्धि भनेको नै सामाजवाद हो यसले मात्रै मुलुकमा आर्थिक परिर्वतन ल्याउन सक्छ,' उनले भने।

उनले अब सहकारी संस्थाले उत्पादन र आर्थिक क्षेत्रमा साना–साना पूँजीलाई संकलन गरेर ठूलो पूँजीमा परिणत गर्ने र त्यहीबाट ठूलो व्यवसाय गर्ने बाटोतर्फ उन्मुख हुनुपर्ने बताए। कार्यक्रममा जिल्ला सहकारी संघको स्थापनाकालदेखि महत्वपूर्ण योगदान पुर्‍याउने व्यक्ति र संघ/संस्थालाई सम्मान गरिएकाे थियाे।

मन्त्री फेरबदल हुने कुरा हल्ला मात्रै भएको भन्दै उनले पार्टी एकताको प्रक्रिया चलिरहेको र पूर्ण नभएकाले अस्तव्यस्त जस्तो देखिए पनि असन्तोष र असहमति नभएको बताए।

प्रकाशित : भाद्र २६, २०७५ १२:००
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT