गाउँभरि रेलिङसहितका पक्की गोरेटो बाटो [फोटोफिचर]

गोरेटो बाटोको दायाँबायाँ रोपिएका फूलका बिरुवाले गाउँलाई सुन्दर बनाएको छ । गाउँ सफा राख्नलाई ठाउँ ठाउँमा डस्बीन पनि राखिएको छ ।

स्पेनिस तथा अमेरीकन रेडक्रसको आर्थिक सहयोगमा नेपाल रेडक्रस सोसाइटी जिल्ला शाखा रसुवाले भूकम्प प्रतिकार्य कार्यक्रमअन्तर्गत गोरेटो बाटो निर्माण गरेको जिल्ला शाखा रसुवाका सभापति बावुलाल तामाङले बताए । उनका अनुसार उत्तरगया गांउपालिका–३ ठुलोगाउँ पैरेटोलको पुच्छारदेखि सिरान टोलसम्म रेलिङसहितको बनाइएको पक्की गोरेटो बाटोको लम्बाइ ५ सय ७५ मिटर छ ।

स्थानीयवासीले प्रसिद्ध धार्मिकस्थल भुमेस्थानसम्म पुग्नका लागि थप गोरेटो बाटो निर्माणमा सहयोग गरी दिन रेडक्रस सोसाइटी जिल्ला शाखा रसुवालाई अनुरोध गरेका छन् । ठूलोगाउँमा करिब ९० प्रतिशत गुरुङ समुदायको बसोबास छ ।