तीन महिने बजेटले समृद्धिको ढोका खोल्छ: मुख्यमन्त्री राई

उनले जनताले समृद्धि र विकाससँगै स्थायित्व चाहेकाले सोही अनुसार सरकारले समृद्धिको ढोका खोल्ने बजेट ल्याउने तयारी गरेको बताए । धरानमा शुक्रबारदेखि सुरु भएको भोजपुर सुनसरी सेवा समाजको दोस्रो अधिवेशनको उद्घाटन गर्दै मुख्यमन्त्री राईले संघीयताको अभ्यास र विकाससँगै अगाडि बढ्ने बताए ।

मुख्यमन्त्री राईले भने, ‘संघीयतामा आर्थिक संमृद्धिका लागि विभिन्न क्षेत्रका विज्ञहरुसँग राय, सुझाव लिने काम भइरहेको छ । वैशाख, जेठ र असार गरी तीन महिना लागि विनियोजन हुने एक अर्ब २ करोड रुपैयाँको बजेट आगामी आर्थिक वर्षका लागि कोशेढुङ्गा हुने छ ।’