बम पड्काएकाे आराेपमा विप्लवका कार्यकर्ता पक्राउ

डिल्लीराम खतिवडा

उदयपुर — सातायता उदयपुर भएका दुई वटा बम विष्फोटनका घटनामा संलग्न भएकाे अाराेपमा प्रहरीले दुईजनालाई नियन्त्रणमा लिएको छ । 

पक्राउ पर्नेहरुमा ३५ वर्षीय पूर्ण तामाङ र ४० वर्षीय जनक श्रेष्ठ रहेका छन्। तामाङलाई रामपुर र श्रेष्ठलाई सदरमुकाम गाईघाटबाट पक्राउ गरिएको उदयपुर प्रहरीका सूचना अधिकृत मनप्रसाद श्रेष्ठले बताए। उनीहरु दुवैजना नेत्रविक्रम चन्द विप्लव नेतृत्वको नेकपाका कार्यकर्ता रहेको प्रहरीले जनाएको छ।

आइतबार त्रियुगा नगरपालिकाको चुहाडेस्थित क्रसर उद्योग र बुधबार सदरमुकाम गाईघाटस्थित हावई फिल्डमा बम विष्फोटन भएको थियो। हावई फिल्डको विष्फोटनमा् १४ वर्षीय बालक पारस राई गम्भीर घाइते भएका थिए। घाइतेको विराटनगरस्थित एक अस्पतालमा उपचार भइरहेको छ।

तामाङ र श्रेष्ठ दुवैलाई आवश्यक अनुसन्धानका लागि जिल्ला प्रहरी कार्यालयको हिरासतमा राखिएको छ।

प्रकाशित : चैत्र २९, २०७४ १६:१६
प्रतिक्रिया
पठाउनुहोस्
ADVERTISEMENT
ADVERTISEMENT

प्रदेश ५ को स्थितिपत्र सार्वजनिक 

बुटवल — प्रदेश न‌म्बर ५ सरकारले बिहीबार प्रदेशको आर्थिक र सामाजिक विकासको स्थितिपत्र सार्वजनिक गरेको छ ।

अस्थायी मुकाम बुटवलमा बसेको प्रदेश सभा बैठकमा मुख्यमन्त्री शंकर पोखरेलले स्थितिपत्र सार्वजनिक गरेका हुन् । स्थितिपत्रमा धान र तेलहनबाली उत्पादनमा पहिलो स्थानमा रहेको प्रदेश ५ मानव विकास सुचांकको हिसाबमा भने चौथो स्थानमा रहेको छ ।

कूल गार्हस्थ उत्पादनमा झण्डै १५ प्रतिशत योगदान गरेको प्रदेशमा गरिबी २५ दशमलव ८ प्रतिशत गरिब देखाइएको छ । उर्जामा पछाडि रहेको प्रदेश ५ को उत्पादनमा कृषिले ४५ दशमलव ६ प्रतिशत योगदान दिएको छ । कृषिमा जनसंख्या र योगदान बढी भएकाले प्रदेशको संवृद्धिका लागि सरकारले कृषिलाई प्राथमिकता दिने पनि मुख्यमन्त्री पोखरेलकाे भनाइ छ ।

४४ लाख ४८ हजार जनसंख्या रहेको प्रदेश ५ उद्योग र बैंकिङ क्षेत्रमा दोस्रो स्थानमा परेको छ भने कृषि भूमि उपलब्धतामा तेस्रो स्थानमा छ । जनघनत्व र खानेपानी उपलब्धतामा पनि तेस्रो स्थानमा छ । प्रतिव्यक्ति आय भने राष्ट्रिय औषतभन्दा तल छ ।

११ हजार किलोमिटर लम्बाइ रहेको प्रदेशको सडक अन्य प्रदेशसँगको तुलनामा चौथो स्थानमा राखिएको छ । बजेट विनियोजन र प्राथमिक क्षेत्र निर्धारणका लागि आर्थिक र सामाजिक विकासका २० वटा शिर्षकमा तुलनात्मक अध्ययन प्रदेश आयोगले स्थितिपत्र तयार गरेको हो । सरकारका प्रवक्ता वैजनाथ चौधरीले स्थितिपत्रका आधारमा बजेट विनियोजन गर्ने बताए ।

प्रकाशित : चैत्र २९, २०७४ १५:५२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT