प्रदेश सरकारको बिदाको निर्णय प्रजिअहरुले मानेनन्

प्रदीप मेन्याङ्बो

सुनसरी — प्रदेश १ सरकारले बिहीबार विश्व आदिवासी दिवसको अवसरमा सार्वजनिक विदाको घोषणा गरेपनि स‌ंघीय सरकार अन्तर्गतका अधिकारीहरुले विदालाई अस्वीकार गरेका छन् ।

प्रदेश सरकारले २३ गते विश्व आदिवासी दिवसको अवसरमा सार्वजनिक विदा दिन आन्तरिक मामिला मन्त्रालयले प्रदेशभरका १४ वटै जिल्ला प्रशासनलाई परिपत्र पठाइसकेको थियो।

Yamaha

झापाका प्रमुख जिल्ला अधिकारी जनकराज दाहाल, मोरङका रमेश केसी, सुनसरी प्रेमप्रकाश उप्रेतीलगायतले संघीय सरकारको गृहमन्त्रालयले निर्देशन नदिएसम्म आदिवासी जनजाति दिवसको नाममा र्सावजनिक विदा नमान्ने बताएका छन्। सुनसरीका प्रजिअ उप्रेतीले भने, ‘यो विदा प्रदेश सरकार अन्तर्गतका कार्यालयकालागि हो। संघीय सरकार मातहतका कर्मचारी र कार्यालयकालागि विदा छैन। यसर्थ हामीले विदा मान्न सकेनौं।’

प्रदेश १ का सभामुख प्रदीप भण्डारीले प्रदेश सरकारले ४ वटा विदा थपेको निर्णय राजपत्रमा मै प्रकाशित गरेको बताए। उनका अनुसार आदिवासी जनजाति दिवस, जनैपूर्णिमा, तराई र पहाडको होली पर्वमा सार्वजनिक विदा गरिएको छ। उनले भने, ‘प्रदेश सरकारले गरेको निर्णयलाई कसले मान्यो कसले मानेन भन्ने चाही थाहा भएन।’

प्रदेश सरकारले आफ्नो राजपत्रमा प्रकाशित गरिसकेको निर्णयलाई संघीय सरकार मातहत रहेका प्रशासनका कार्यालय र कर्मचारीले अस्वीकार गर्नु संघीयताको अभ्यासमा ठेस पुगेको र केन्द्रीय सरकार र प्रदेश सरकारबीच तालमेल नमिलेको संकेत देखिएको प्रदेश १ को सार्वजनिक विदाको प्रकरणले देखाएको छ। प्रशासन कार्यालय र कमचारीहरुले आदिवासी जनजातिको नाममा दिएको विदाको अवज्ञा गरेकोमा जनजाति अगुवाहरु रुष्ट भएका छन्।

उनीहरुले प्रदेश सरकारको निर्णय र निर्देशन नमानेका प्रजिअको बरियता स्पस्ट हुनुपर्ने र आदिवासी जनजाति समुदायको हितमा गरिएको सार्वजनिक विदा जस्ता सामान्य विषयलाई फाल्तु सम्झेर चुनौती दिने काम अशोभनीय भएको प्रतिक्रिया दिएका छन्।

प्रकाशित : श्रावण २४, २०७५ ११:१४
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

तरुण दल सुनसरीका उपसभापति विक प्रहरी नियन्त्रणमा

प्रदीप मेन्याङ्बो

सुनसरी — कुटपिटको मुद्दा मिलाउन खोजेको भन्दै कांग्रेसको भातृ संगठन नेपाल तरुण दल सुनसरीका उपसभापति सन्तोष विकलाई प्रहरीले नियन्त्रणमा लिएको छ । प्रहरीले विकलाई शनिबार राति धरान ११ स्थित आफ्नै घरबाट प्रक्राउ गरेको प्रहरीले जनाएको छ । 

इलाका प्रहरी कार्यालय धरानका प्रमुख डिएसपी रामेश्वर पौडेलका अनुसार धरान १३ बस्ने दीपेश थपलियामाथि धरान १६ बस्ने वडासदस्य दीपक आचार्यसहित स्थानीय गोकुल राई र मनोज विष्ट मिलेर कुटपिट गरेको विषयको मुद्दा मिलाउन खोजेकाले विकलाई नियन्त्रणमा लिएको हो ।

जग्गा कारोबारको विषयमा साउन ९ गते आफूमाथि कुटपिट भएको भन्दै पीडित थपलियाले इलाका प्रहरी कार्यालय धरानमा साउन १० गते किटानी जाहेरी दिएका थिए । डिएसपी पौडेलले प्रक्राउ परेका विकमाथि छानबिन भइरहेको बताए ।

प्रकाशित : श्रावण २०, २०७५ १६:०८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT