३ हजारभन्दा बढी सवारी कारबाहीमा
संखुवासभा — सदरमुकाम खाँदबारीमा रहेको अस्थायी ट्राफिक पोस्टले आर्थिक एक वर्षमा १९ लाखभन्दा बढी राजस्व संकलन गरेको छ । ट्राफिक कारबाहीमा ३ हजार २ सय २ वटा सवारी परेका छन् ।
सबैभन्दा बढी मोटरसाइकल कारबाहीमा परेका छन् ।
१ हजार ८ सय १६ वटा मोटरसाइकल कारबाहीबाट ११ लाख ५४ हजार राजस्व संकलन भएको छ । ०७४/७५ मा ट्रकबाट १ लाख ७२ हजार ५ सय, ५२ वटा बसबाट ३४ हजार, कार, जिप र भेन गरी ४ सय ४ बाट २ लाख ३५ हजार ५ सय र ट्याक्टर ५ सय ८२ वटाबाट ३ लाख ३४ हजार राजस्व संकलन भएको अस्थायी ट्राफिक प्रहरी पोस्टका सहायक निरीक्षक मानबहादुर खत्रीले बताए ।
कारबाहीमा परेका अधिकांश सवारी चालकले मादक पदार्थ सेवन गरेको, ओभरलोड भएको, सिटबेल्ट र हेल्मेट नलगाएको भेटिएको थियो । बिलबुक र सवारी चालक अनुमति पत्र नबोकी सवारी चलाउने पनि अत्याधिक रहेको खत्रीले जनाए ।
प्रकाशित : भाद्र १४, २०७५ १८:५८