सहकारी संस्थामा ठगी गर्नेहरु विरुद्ध मुद्दा दायर

३ पक्राउ, ७ जना फरार
कान्तिपुर संवाददाता

विराटनगर — बचत तथा ऋण सहकारी संस्थामा ठगी गर्नेहरु विरुद्ध प्रहरीले मुद्दा दायर गरेको छ । ५ करोड रुपैयाँभन्दा बढी ठगी गरेको आरोपमा प्रहरीले संस्थाका ९ जना सञ्चालकविरुद्ध जिल्ला अदालत मोरङमा मुद्दा दायर गरेको हो ।

प्रहरी नायब उपरीक्षक निशान थापाका अनुसार पक्राउ परेका प्राइम बचत तथा ऋण सहकारी संस्थाका कार्यकारी प्रमुख इन्द्रलाल श्रेष्ठ, सचिव ईश्वर श्रेष्ठ र उपाध्यक्ष विष्णुप्रसाद सुवेदीविरुद्ध मुद्दा दायर गरिएको हो ।

Yamaha


यसैगरी फरार रहेका संस्थाका अध्यक्ष लक्ष्मी श्रेष्ठ, कोषाध्यक्ष लीला खनम, सदस्यहरु सन्तोष भनिने तेजप्रसाद ढकाल, गोपाल साह, विमलादेवी भनिने शारदादेवी उदास, अनिल जोशीविरुद्ध प्रहरीले मुद्दा दायर गरेको जनाएको छ ।

संस्थामा बचत गर्नेमध्ये देवीमाया अधिकारीले दिएको उजुरीका आधारमा केहीलाई पक्राउ गरी प्रहरीले मुद्दा चलाएको हो । उजुरीमा संस्थाका सञ्चालकहरुले लामो समयदेखि रकम जम्मा गर्न लगाएको तर रकम लिन जाँदा संस्थाको कार्यालय नै बन्द गरेर फरार रहेको उल्लेख थियो ।

उजुरीपछि प्रहरीले संस्थाका कार्यकारी प्रमुख ईश्वर श्रेष्ठ र उपाध्यक्ष सुवेदीलार्य पोखरामा पक्राउ गरेको थियो । अनुसन्धानका क्रममा प्रहरीले संस्थाको कार्यालयमा रहेको अभिलेख नियन्त्रणमा लिएको थियो ।

ती अभिलेखका आधारमा २ हजार ८ सय ४१ जनाबाट शेयरबापत ९२ लाख ९० हजार ३ सय रुपैयाँ र अन्य १ हजार २ सय ४० जनाबाट करिब ९ करोड ११ लाख २३ हजार रुपैयाँ जम्मा भएको पाइएको डीएसपी थापाले बताए ।

संस्थाले हालसम्म विभिन्न व्यक्ति र संस्थालाई गरी ३ करोड ३० लाख रुपैयाँ लगानी गरेको कागजातमा भेटिएको प्रहरीले जनाएको छ । बचत गर्ने र शेयर हाल्नेमधये २ सय ६८ जनाले ठगिएको भन्दै मोरङ प्रहरीमा उजुरी दिएका छन् ।

अनुसन्धानबाट उक्त संस्थाले ५ करोड ८० लाख ७९ हजार रुपैयाँभन्दा बढी सर्वसाधारणबाट ठगी गरेको पाइएको प्रहरीले खुलाएको छ ।

Esewa Pasal

प्रकाशित : भाद्र १६, २०७५ १७:३५
प्रतिक्रिया
पठाउनुहोस्

धरानमा युवतीको शंकास्पद मृत्यु

कान्तिपुर संवाददाता

सुनसरी — धरान–१८ बुद्धचोकस्थित कान्तिपुर होटलमा एक अविवाहित युवतीको शंकास्पद मृत्यु भएको छ । २८ वर्षीया रिता राईको शंकास्पद मृत्यु भएको हो । मृतकको घर धरान–१९ चौकीबारीमा पर्छ ।

होटल नजिकै घर भएपनि २० दिनदेखि उनी उक्त होटलमा कोठा लिएर बस्दै आएकी थिइन् । होटलको कोाभित्र गएराति उनी मृत फेला परेकी थिईन् ।

ती युवती होटलमा एक्लै बस्दै आएको बताइएपनि उनी बसेको कोठामा चार जना युवाहरु नियमित आउने जाने गरेको होटल स्रोतले जनाएको छ । ती मध्ये प्रहरीले रोनिश श्रेष्ठलाई शनिबार प्रक्राउ गरेको छ ।

युवतीको आफन्तले पक्राउ परेका श्रेष्ठ विरुद्ध जवरजस्ती करणी, बन्धक बनाएको र कर्तव्य ज्यान मुद्दा लगाएका छन् ।

युवतीको शंकास्पद मृत्युको घट्ना सार्वजनिक भएलगतै इलाका प्रहरी कार्यालय धरानले बीपी कोइराला स्वास्थ्य विज्ञान प्रतिष्ठानका फोरेन्सिक विज्ञसहितको टोली पुगेर अनुसन्धान गरेको थियो ।

घटनास्थलमा गरिएको प्रारम्भीक अनुसन्धानले मुत्यु शंकास्पद रहेको प्रहरी नायब उपरीक्षक सुमन तिम्सिनाले बताए । प्रहरी स्रोतका अनुसार उनीहरु दुवै लागूपदार्थको दुर्व्यसनी रहेका र यसअघि पनि पक्राउ परेका थिए ।

डिएसपी तिम्सिनाले भने, ‘पोष्टमार्टम रिपोर्ट नआएसम्म यसै भन्न सकिने अवस्था छैन । शवको अवस्था सामान्य देखिएको छ ।’

प्रहरीको प्रारम्भीक अनुमान अनुसार लागूपदार्थ प्रयोगकर्ता भएकाले ओभरडोजका कारण युवतीको मृत्यु भएको हुनसक्छ ।

प्रकाशित : भाद्र १६, २०७५ १७:२३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT