बालबालिकालाई स्कुलमै दूध !

कान्तिपुर संवाददाता

काठमाडौँ — झापा मेचीनगर १२ सरेडाँगीको सरस्वती बालकल्याण माविका बालविकासका ६८ विद्यार्थीले हरेक दिन एक गिलास दूध पिउने भएका छन् ।

स्थानीय ऋतिका डेरीले बालबालिकाका लागि दैनिक १५ लिटर शुद्ध दूध उपलव्ध गराउने भएपछि बालबालिकाले स्कुलमै दूध पिउन पाउने भएका हुन् ।

डेरीका सञ्चालक राजन चिमरियाले विद्यालय लागेका दिन टिफिन टाइममा हरेक बालबालिकालाई एक वर्षसम्म नि:शुल्क एक गिलास दूध उपलव्ध गराउने बताए । ३९ औं शिक्षा दिवसका सन्दर्भ पारेर शुक्रबार झापा क्षेत्र १ का प्रतिनिधिसभा सदस्य राम कार्कीले यो अभियानको थालनी गरे ।

उनले निर्वाचनताका आफूले गरेको वाचा पूरा गरेको बताए । चुनावी प्रचारका बेला कार्कीले कम्युनिस्टको सरकार बने समाजवाद आउने बताउँदै समाजवादमा बालबालिकालाई प्रत्येक घरमा एक एक बोतल दूध उपलब्ध गराउने वाचा गरेका थिए ।

Yamaha

Esewa Pasal

प्रकाशित : भाद्र २४, २०७५ ०९:२५
प्रतिक्रिया
पठाउनुहोस्
ADVERTISEMENT
ADVERTISEMENT

बालबालिकाको खाजा नखोस

कान्तिपुर संवाददाता

काठमाडौँ — शिक्षासम्बन्धी व्यवस्था गर्न शिक्षा मन्त्रालयले तयार गरेको विधेयकबाट शिक्षा दिवसको पूर्वसन्ध्यामा मन्त्रिपरिषद्ले पोसाक सुविधा कटौती गर्नुका साथै २ लाख ६० हजार बालबालिकाले विद्यालयमा पाउँदै आएको दिवा खाजा खोसेको समाचार सुनियो ।

दूरदराजका, गरिबीको रेखामुनि रहेका नेपालीले मात्र पढ्ने सामुदायिक विद्यालयका बालबालिकालाई विद्यालयमा नियमित बनाउन, टिकाउन र पोषणसमेतलाई सघाउन सहयोग गरेको दिवा खाजा कार्यक्रम कटौतीको प्रत्यक्ष असर विद्यार्थी भर्नादरमा पर्नेछ । स्मरण रहोस् उक्त कार्यक्रम विश्व खाद्य कार्यक्रमको सहयोगमा चलिरहेको छ । प्रस्तावित विधेयकमा दिवा खाजा काटिएमा उक्त कार्यक्रमसमेत प्रभावित हुनेछ । छलफलमा रहेको उक्त विधेयकमा सरकारले गम्भीरतापूर्वक पुनर्विचार गर्नु जरुरी छ ।
– महेन्द्रसिंह बम टीकापुर–१, कैलाली

प्रकाशित : भाद्र २४, २०७५ ०९:१८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT