सात वर्षदेखि फरार दुई अपराधी पक्राउ

बुधबार मैवाखोला गाउँपालिका–४ का मनबहादुर संयोग लिम्वू र सन्तोष भन्ने कुमार लिम्वूलाई पक्राउ गरी कारागार चलान गरिएको हो । उनीहरु सात वर्षदेखि फरार रहेका थिए ।

२०६८ असोज १ गते सोही गाँउका बलबहादुरको हत्या गरेका उनीहरुलाई जिल्ला अदालत ताप्लेजुङले जनही २० वर्षको सजाय तोकेको थियो । २०७४ बैशाख १४ गतेको फैसलापछि पनि उनीहरु गाँउमै लुकिछिपि बस्दै आएका थिए । छ जना प्रहरीको टोलीले पाँच दिनको प्रयासमा पक्राउ गरेको प्रहरी नायब उपरीक्षक संजयसिंह थापाले बताए ।

जिल्लामा अन्य फरार अपराधीहरुको खोजी पनि तीव्र बनाइएको छ ।