घुस सहित सहायक वन अधिकृत पक्राउ
उदयपुर — सदरमुकाम गाईघाटबाट डिभिजन वन कार्यालय नेपालटारका सहायक वन अधिकृत सत्यनारायण साह आइतबार घुस सहित पक्राउ परेका छन्। अख्तियारको टोलीले साहलाई नगद ६० हजार सहित पक्राउ गरेको हो।
डिभिजन वन कार्यालय गाईघाटको डिएमगेट नजिकैको सम्पर्क कार्यालयबाट सेवाग्राहीसँग काम मिलाइ दिने भन्दै ६० हजार रुपैँया लिदै गरेको अवस्थामा अख्तियार दुरुपायोग अनुसन्धान आयोग बर्दिवास कार्यालयको टोलीले साहलाई पक्राउ गरेको हो ।
जंगलबाट कटान गरी घाटगद्दी गरेको काठको लगत मिलाई दिने भन्दै साहले सेवाग्राहीसँग रकम लिएको टोलीले जनाएको छ ।
पक्राउ परेका साहयक वन अधिकृत साहलाई अख्तियारको टोलीले नियन्त्रणमा लिई अवाश्यक कारबाही अगाडि बढाएको छ ।
प्रकाशित : कार्तिक १८, २०७५ १४:२२प्रतिक्रिया
