सडक खन्दा सञ्चार अवरुद्ध

नेपाल टेलिकम विराटनगरका निमित्त प्रमुख मदनलाल दासले महानगरले विराटनगरस्थित सहिद रंगशाला अगाडिको सडक खन्ने क्रममा अप्टिकल फाइबर चुँडिएर टेलिफाने र मोबाइल अवरुद्ध भएको बताए ।

‘सडक खन्ने क्रममा अप्टिकल फाइबर चुँडिदा ४ वटा टेलिफोन एक्सचेञ्जको ३२ सय टेलिफोन लाइन र बिटिएस टावरमा समस्या आउँदा मोबाइल अवरुद्ध भएको छ,’ उनले भने,‘प्राविधिकहरूले मर्मतको काम गरिरहेकाले शनिबारसम्ममा मात्रै सञ्चालन हुने अवस्था छ ।’

उनले तत्काल टेलिफोन र मोबाइल सञ्चालनका लागि वैकल्पिक समाधानको पनि खोजी भइरहेको बताए । उनले सुन्दरहरैंचा नगरपालिकास्थित नेपाल टेलिकमको विराट चोक कार्यालयबाट टेलिफोन र मोबाइल सञ्चालनको प्रयास भइरहेको बताए ।