ट्रयाक्टरले च्याप्दा दुई बालकको मृत्यु
रौतहट — जिल्लाको गढीमाई नगरपालिकामा आईतबार ट्रायाक्टरमा च्यापिएर दुई बालकको ज्यान गएको छ ।
गढीमाई नगरपालिका २ हथिऔलमा रहेको उखु पेल्ने क्रसर उद्योग परिसरमा रहेको ना ३ त ६२८४ नम्बरको ट्रायाक्टर पल्टिएर च्यापिँदा स्थानिय ७ वर्षीय रविराज दास र ५ बर्षीय विकास वैठाको ज्यान गएको प्रहरीले बतायो ।
उद्योगमा माटो भर्ने क्रममा ट्रायाक्टर पल्टिएको थियो ।
प्रकाशित : चैत्र २५, २०७४ १९:४१प्रतिक्रिया
