किर्ते नागरिकता बनाउने धरौटीमा

सन्तोष सिंह

जनकपुर — सरकारी दस्तखत तथा छाप किर्ते गरी मृत्यु भएका व्यक्तिको नामबाट नक्कली नागरिकता बनाएर जग्गा बिक्री गर्न खोज्ने तीन जना धरौटीमा छुटेका छन् ।

१८ वर्षअघि मृत्यु भइसकेको नागरिकता फोटो हालेर मालपोतबाट जग्गा बिक्री गर्न लागेको आरोपमा पक्राउ परेका तीन जनालाई धनुषा जिल्ला अदालतले धरौटीमा छोडेको हो ।

०५७ वैशाख १० गते मृत्यु भएका जनकपुर उपमहानगरपालिकाका–१४ का फुलगेन साहको नागरिकतामा फोटो परिवर्तन गरी रौतटह चन्द्रनिगाहपुर–१० का ६७ वर्षीय रामएकवाल साहले आफ्नो फोटो राखी फुलगेन साहको जग्गा बिक्री गर्न खोज्दा पक्राउ परेका साह सहित ३ जना धरौटीमा छुटेका छन् ।

Yamaha

जिल्ला अदालत धनुषाको मुख्य न्यायाधीश राधाकृष्ण उप्रेतीको इजलासले सरकारी दस्तखत तथ छाप किर्ते गरेको आरोपमा पक्राउ परेका रामएकवाल साहलाई ५० हजार, चन्द्रनिगाहपुर–१० कै ५२ वर्षीय योगेन्द्र साहलाई ३० हजार र चन्द्रनिगाहपुर–४ का अनन्त प्रसाद चौधरीलाई समेत ३० हजार धरौटीमा छोडने आदेश दिएको हो ।

रामसागर साहका छोरा
पुलगेन साहको नाम रहेको नागरिकतामा सरकारी दस्तखत तथ छाप किर्ते गरी रामएकवाल साहले आफनो फोटो राखेर नागरिकता बनाएका थिए ।

फुलगेन साहको जग्गा बिक्री गर्न किर्ते नागरिकता बनाएका रामएवालले सर्लाही सदरमुकाम मलंगवास्थित नेपाल राष्ट्र बैंकमा खाता समेत फुलगेन साहको नाममा खोलेका थिए ।

सरकारी दस्तखत तथ छाप किर्ते आरोपमा पक्राउ परेका तीनै जानलाई ०५७ साउन २० गते मालपोत कार्यालय धनुषामा जग्गा बिक्रि गर्न खोजेको आरोप लगाए पनि तीनै जना साउन १९ गते जनकपुर बस पार्कमा प्रहरीलाई गालीगलौज गरेका कारण प्रहरीले नियन्त्रणमा लिएको र बरदातभन्दा अगाडि नै प्रहरी हिरासतमा रहेको हुनाले प्रतिवादीहरूलाई पछि थप प्रमाण बुझ्दै जाँदा ठहरे बमोजिम गर्ने गरी मुलुकी ऐन २०७४ को दफा ६८ बमोजिम धरौटीमा छोडने न्यायाधीश उप्रेतीले आदेश दिएको हो । किर्ते नागरिकता बनाएर जग्गा बिक्री गर्न खोज्ने मुख्य योजनाकार भने फरार छन् ।

Esewa Pasal

प्रकाशित : भाद्र १६, २०७५ ०९:०६
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

सेयर सचेतना प्राथमिकतामा

कान्तिपुर संवाददाता

जनकपुर — समृद्ध प्रदेश निर्माण गर्न सेयर सचेतना तथा लगानी अभियानलाई प्राथमिकता दिनुपर्ने प्रदेश २ का मुख्यमन्त्री लालबाबु राउतले बताएका छन् ।

नेपाली पुँजी बजार लगानीकर्ता संघ प्रदेश २ ले शुक्रबार जनकपुरमा आयोजन गरेको ‘नेपाल पुँजी बजारमा वर्तमान सेयर बजारको अवस्था तथा चुनौतीहरू’ विषयक अन्तरक्रियालाई सम्बोधन गर्दै मुख्यमन्त्री राउतले भने, ‘प्रदेशलाई सम्मुनत बनाउनु छ भने बैंकमार्फत कारोबार गर्नुपर्दछ । सेयर लगानी तथा सचेतना कार्यक्रमलाई प्राथमिकता दिनुपर्दछ ।’

प्रदेश २ मा अनेकौ ठूलठूला उद्योगधन्धा तथा मुलुककै प्रतिष्ठित व्यवसायी घरानाको बसोबास रहे पनि प्रदेशको विकास हुन नसकेकोमा उनले चिन्ता व्यक्त गरे । उनले जनकपुरमा सेयर बजार ब्रोकर कार्यालय सञ्चालन गर्न सक्दो सहयोग गर्ने प्रतिबद्धता समेत व्यक्त गरे ।

‘प्रदेश सरकार उद्योगमैत्री वातावरण निर्माण गर्दैछ । अब उद्योगी व्यवसायीलाई लगानी गर्न सजिलो हुनेछ,’ उनले भने । मुलुकको अर्थतन्त्रमा प्रदेश २ का जनताले २७ प्रतिशत राजस्वको योगदान दिए पनि प्रदेशको विकासमा हालसम्म चासो नलिइएको उनले गुनासो गरे ।

जनकपुरमा पहिलोपटक आयोजित सेयर बजारसम्बन्धी अन्तरक्रियालाई सम्बोधन गर्दै नेपाली पुँजी बजार लगानीकतार् संघकी राष्ट्रिय अध्यक्ष राधा पोख्रेलले प्रदेश २ मा सेयर बजारको पर्याप्त सम्भावना रहेको बताइन् । उनले भने, ‘यहाँ उद्योगधन्धा छ । लगानी कर्ताहरू छन् । अनि सेयर बजारको विकास नहुने प्रश्नै उठदैन ।’

जनकपुरमा पहिलोपटक आयोजित सेयर बजारसम्बन्धी अन्तरक्रियामा नेपाल राष्ट्र बैंक क्षेत्रीय कार्यालय जनकपुरका कार्यवाहक निर्देशक संजीव कुमार झा, सहयोगी विकास बैंकका विनय रिजाल तथा नेपाली पुँजी बजार लगानीकर्ता संघ, प्रदेश २ का सयोजक सरोज उप्रेती, उपाध्यक्ष अरुण श्रीवास्तव तथा जनकपुर उद्योग वाणिज्य संघका अध्यक्ष ललितकुमार साहलगायतले सेयर बजारको अवस्था तथा चुनौती बारे बोलेका थिए ।

प्रकाशित : भाद्र १६, २०७५ ०९:०६
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT