घूससहित हवल्दार पक्राउ 

अवैध कारोबारीसँग एकलाख घूसलिँदै गरेको अवस्थामा जिल्ला प्रहरी कार्यालय बारामा कार्यरत हवल्दार ३० वर्षीय सुदामा हजरालाई कलैया उपमहानगरपालिका १ देवकीलाल धर्मशालाबाट पक्राउ गरिएको हो । उनले भारतबाट अवैध रुपले भित्रिने गुटखा, पान मसाला लगायतको अवैध कारोबार गर्न सहजीकरण गरिदिने आस्वासनमा घूस लिएको प्रहरीले जनाएको छ ।

पक्राउ परेका हजरालाई हेटौंडा लगेर थप अनुसन्धान गरिने र आइतबार केन्द्रीय कार्यालयमा पठाइने बताइएको छ ।